Baspana qurylysyn qandaı kedergiler tejep tur

ASTANA. QazAqparat – Qazir Qazaqstannyń jalpy ishki ónimindegi qurylystyń úlesi 6 paıyzdan sál asyp tur. Sonymen birge, BUU Eýropalyq ekonomıkalyq komıssııasynyń málimetine qaraǵanda, 2010 jyly bizde bul kórsetkish 8 paıyz deńgeıinde boldy. Al osy ekonomıkalyq kórsetkishter boıynsha Qazaqstan Ázerbaıjan men Armenııa sııaqty TMD elderinen, sondaı-aq Baltyq jaǵalaýy elderi - Lıtva men Estonııadan tómen bolyp otyr. Jaqynda bul taqyrypty Senattaǵy Úkimet saǵatynda talqylaý kezinde depýtattar qurylys salasynyń ósý qarqynyn saqtaý ulttyq ekonomıkanyń damýy men básekege qabilettiligin arttyrýǵa tikeleı yqpal etetinin atap ótti.