Baspana qymbattamasa, arzandamaıdy – Lázzat Ibragımova
«Men jyljymaıtyn múlik naryǵynyń sarapshysy retinde jalpy ınflıatsııa deńgeıi jaǵdaıynda portfeldik ınvestıtsııalarmen aınalyspaıtyn, qundy qaǵazdar naryǵynda jumys istemeıtin adamdar salatyn negizgi kapıtaldyń túsýi ekitalaı dep oılaımyn. Óıtkeni ınflıatsııa azyq-túlik emes taýralarǵa da áser etip otyr. Sondyqtan biz sarapshy retinde baspana baǵasynyń túsýin kútip otyrǵan joqpyz», - dedi ol Májilistegi otyrystyń aldynda BAQ ókilderiniń saýalyna jaýap bere otyryp.
Onyń sózinshe úı baǵasynyń ári qaraı qymbattaýy naryqtaǵy ıpotekalyq baǵdarlamalardyń qoljetimdiligine baılanysty bolmaq.
«Qazir bazalyq mólsherleme 16-17 paıyz deńgeıinde ekenin eskersek, «Otbasy banktiń» ol shamadan derbes nesıe usynýy tuıyq sheńber bolyp tur. Bul germanııalyq model boıynsha qurylǵan júıe. Biz 20 jyldyń ishinde bazalyq mólsherlemeden derbes, ózgermeıtin nesıe mólsherlemesin usynyp keldik. Sáıkesinshe, bizdiń usynyp otyrǵan kredıt ónimimz boryshkerler úshin eń tıimdi nusqa bolyp otyr. Oǵan degen suranys ta joǵary. Biraq biz bul suranysty adamdardy aqshany kóbirek jınaqtaýǵa baǵyttaý arqyly teńestiremiz. Shilde aıynda biz 2,5 baǵandyq baǵalaý kórsetkishin engizdik. ıAǵnı, endi páter satyp alý úshin bastapqy jarnaǵa páter qunynyń 50 paıyzyn jınaqtaý jetkiliksiz. Úsh aıdan kem emes ýaqyt boıy aqsha jınaqtap, tıisti sharttardy oryndaý kerek. Kelesi jyly bul baǵalaý kórsetkishin taǵy arttyramyz. ıAǵnı, biz óz klıentterimizdi birtindep klassıkalyq júıege qaıtaramyz. Baspanaǵa qajet aqshany adam shyn máninde jınaqtaý kerek bolady. Qalaı jınaqtaǵanyna baılanysty boryshkerdiń tólem qabileti týraly baǵalaýdy ózgertemiz. Klıent 36 aı boıy bir somany turaqty salyp tursa, ondaı adamǵa tólem qabiletin baǵalaǵan kezde borysh alýǵa múmkindik beretin túrli koeffıtsent usynýǵa bolady. Demek, strategııa mynandaı bolady. Boryshker aqshany neǵurlym tártippen jınaqtasa, bank oǵan soǵurlym jaqsy qaraılasady», - deıdi bank basshysy.
Lázzat Ibragımova keıbir sarapshylardyń «Otbasy bank» turǵyn úı naryǵyna keri áser etip otyrǵany týraly paıymdaryna jaýap berdi.
«Ol basqa bankterdiń tabysyna keri áser etip júrgen shyǵar. Men bul jerde qoǵamnyń múddesin basty baǵdarda ustaýymyz kerek dep oılaımyn. Bizdiń bankke kelip, otbasylyq depozıt ashyp, balasyna, ata-anasynyń atyna shot ashatyn adamdar bar. Solardyń múddesin baǵdarǵa alýymyz kerek. Bizden bir zaım alǵan kezde osyndaı 3-4 adamnyń depozıtin biriktirip jatady. Bul degenińiz otbasylyq koeffıtsent qoı. Onyń mólsheri ortasha statıstıkalyq koeffıtsentke saı keledi», - dedi «Otbasy bank» basshysy.