«Baspana kezegin jyljytyp beremin»: 25 astanalyq alaıaqqa aldandy

<p>Іshki ister mınıstrligi Krımınaldyq polıtsııa departamenti kıberqylmysqa qarsy kúres ortalyǵynyń bastyǵy Jandos Súıinbaı ınternet-alaıaqtyqtyń keń tarap jatqan túrleri týraly aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Astana qalasynda Elorda turǵyny ustaldy. Ol messendjerler arqyly memleketten páter alý úshin kezekti jyljytý syltaýymen qyzmet usynǵan.

Qazirgi tańda onyń osyǵan uqsas 25 faktige qatysy bar ekendigi dáleldendi. Sonyń saldarynan azamattarǵa 12 mln teńgeden astam zalal keltirilgen. Іs boıynsha tergeý júrip jatyr», – dedi ol vedomstvonyń apta saıyn ótetin brıfıngisinde.

Spıkerdiń sózinshe, alaıaqtyq jasaýdyń taǵy bir keń taralǵan tásili – júk tasymaldaý qyzmetterin usyný.

«Osyndaı alaıaqtardyń birin Aqmola oblysynyń qyzmetkerleri Qostanaı qalasynda ustady. Ol 15 qylmys jasady degen kúdikke ilinip, áreketi dáleldendi. Turǵyndarǵa keltirgen shyǵyn kólemi men basqa jábirlenýshiler anyqtalyp jatyr.

Alaıaqtyqtyń bul túri eń kóp taralǵandardyń biri bolyp tabylady. Alaıaqtar óz mindettemelerin oryndamaı turyp, aldyn ala aqy talap etedi. Mámile jasasqan kezde saq ári muqııat bolyńyz», – dedi ІІM ókili.

Sondaı-aq Jandos Súıinbaı «tıimdi ınvestıtsııalar» týraly usynystar da alaıaqtyqtyń óte keń taraǵan ádisi ekenin aıtady.

«Elorda Polıtsııa departamenti áleýmettik jeli arqyly ınvestıtsııalar kómegimen mol aqsha tabýdy usynǵan adamdy ustady. Ol 20-dan astam alaıaqtyq jasaǵan jáne azamattarǵa 2 mln teńgeden astam shyǵyn keltirgen.

Elordanyń taǵy bir turǵyny messendjer arnasy arqyly qolma-qol aqshany kóbeıtý jáne krıptovalıýtany tıimdi satyp alý týraly alaıaqtyq jarnama salǵan. Onyń osyǵan uqsas 30 qylmysqa qatysy bar ekeni anyqtaldy. Zalal kólemi 20 mln teńgeden astam. Biz azamattarǵa ınvestıtsııalaý arqyly aqsha tabýdyń ońaı joldarynan saq bolýdy eskertemiz», – dedi kıberqylmysqa qarsy kúres ortalyǵynyń bastyǵy.