Baspana kezegine turý úshin ajyrasýǵa baratyndar kóbeıdi – bank basshysy
«Biz qaryz berýdiń úsh jyldyq qorytyndysyna taldaý jasadyq jáne keıingi tórt jylda «tolyq emes otbasy» sanatynyń asa joǵary qarqynmen ósip kele jatqanyn kórdik. Ókinishke qaraı, Qazaqstanda otbasy qundylyqtarynyń damyp jatqanyna qaramastan, 2017 jyly 54 626 ajyrasý tirkelgen. 2018 jyly olardyń sany 54 797-ge deıin ósip, 2019 jyly 59 796-ǵa jetti. Ajyrasýǵa ótinish berý «COVID-19» pandemııasy kezinde qıynyraq bolyp, ajyrasý sany 48 myńǵa deıin qysqardy. 2021 jyly bul san qaıtadan ósip, 48239-ǵa jetti»,- dedi ol ortalyq kommýnıkatsııalar qyzmetinde ótken brıfıngide.
Onyń paıymynsha, baspana kezegine turý úshin ishinara jalǵan ajyrasýǵa baratyndar kóbeıip otyr. Osyny eskerge Úkimet arnaıy qaýly qabyldap otyr.
«Tolyq emes otbasy» baǵyty boıynsha ajyrasý týraly kýálik ótkizgender kóp. 23 qyrkúıekte Úkimet qaýlysy aıasynda «tolyq emes otbasylar» sanatyn «Shańyraq – 5-10-10» jobasyna aýystyrý usynysy qoldaý tapty. Mundaǵy aıyrmashylyq syıaqy mólsherlemesine qatysty. Ár otbasy deńgeıinde aıyrmashylyq shamamen 30 myń teńgedeı bolatyn shyǵar. Mysaly, bereshek 15 mln teńge bolsa, «Baqytty otbasy» boıynsha nesıe alǵandar alǵashqy 8 jylda aı saıyn 80623 teńgeden, 50% soma jınalǵannan keıin 63344 teńgeden tóleıdi. «Shańyraq» baǵdarlamasy boıynsha «tolyq emes otbasy» dál sondaı páterdi sál joǵary tólemmen satyp alady. ıAǵnı, ol alǵashqy 8 jylda aı saıyn 116 500 teńgeden, keıin 73 983 teńgeden tóleıdi», - dedi Lázzat Ibragımova.
«Otbasy bank» basshysy tolyq emes otbasylar bul ózgeristi ekiushty qabyldap jatqanyn aıtady.
«Qazir áleýmettik jelilerde «tolyq emes otbasylardan» ótinishter túsip jatyr. Búgin men Májiliste bir top adammen kezdestim. Biz memlekettiń birinshi kezekte múmkindigi shekteýli adamdardy baspanamen qamtamasyz etýge basymdyq beretinin túsindiremiz», - dedi bank basshysy.
Foto:ortcom.kz