Baspana, eńbek demalysy, medsaqtandyrý: elordalyq emhana qyzmetkerleri senatormen kezdesti

ASTANA. QazAqparat – Parlament Senatynyń depýtaty Bıbıgúl Jeksenbaı elordadaǵy №8 qalalyq emhananyń ujymymen kezdesti. Júzdesý barysynda medıtsınalyq mekemeni damytý josparlary týraly senatorǵa jan-jaqty aqparat berildi, dep habarlaıdy QazAqparat Palatanyń baspasóz qyzmetine silteme jasap.

Dárigerler qoljetimdi baspana baǵdarlamasy, medıtsına qyzmetkerleriniń demalys kúnderiniń sanyn ulǵaıtý, medıtsınalyq saqtandyrý jáne dári-dármek baǵasynyń ósýine qatysty birqatar problemalyq máseleni kóterdi.

Bıbıgúl Jeksenbaı depýtattardyń kóterilgen barlyq máselelerdi nazarda ustaıtynyn atap ótti jáne halyqtyń áleýmettik jaǵdaıyn jaqsartý salasyndaǵy Palatanyń zańnamalyq qyzmeti týraly habardar etti.

«Jaqynda jańa Áleýmettik kodeks qabyldandy. Bul elimizdiń áleýmettik saıasatyn jaqsartýdaǵy mańyzy zor qadam ekeni daýsyz. Jańa áleýmettik saıasat – Memleket basshysy jarııalaǵan aýqymdy ózgeristerdiń biri. Ár otbasynda jańa tsıfrlyq kartanyń bolýy, jumyspen qamtý salasynda jańa tásilderdi engizý jáne arnaýly áleýmettik qyzmetter júıesin jetildirý de sondaǵy jańalyqtardyń ishinde. Bul bizdiń otandastarymyzdyń ómirine de, sala qyzmetkerlerine de oń áserin tıgizedi», - dep atap ótti senator.