Baspana eń qymbat jáne eń arzan qalalar

<p><a href="https://krisha.kz/content/analytics" target="_blank" rel="noopener">Krisha.kz</a>&nbsp;resýrsynyń saraptama qyzmeti el boıynsha páter baǵasy ekinshi aı qatarynan bir ornynda turǵanyn málim etti. Qaıtalama naryqtaǵy baǵa qańtar aıynan naýryz aıyna deıin ósse, sáýir aıynan bastap sál túsken. Qazan aıyndaǵy baǵa orta eseppen sharshy metrine 369 myń teńge bolyp tur. Qyrkúıekte bul kórsetkish 368 716 teńge bolǵan edi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Bir aıda baspana baǵasy qalaı ózgerdi

Krisha.kz jasaǵan monıtorıng derekteri boıynsha, 17 qalanyń 11-inde páter sál arzandaǵan. Onyń ishinde Astana, Almaty Shymkent qalalary da bar. Páter eldegi 5 qalada ǵana qymbattaǵan. Ásirese Aqtaýda 3,5% ósken.

Baspana arzan jáne qymbat óńirler

Sharshy metrdiń baǵasy eń joǵary 5 óńir:

• Almaty — 707,8 myń teńge;
• Astana — 473,2 myń teńge;
• Shymkent — 419,4 myń teńge;
• Atyraý — 386,9 myń teńge;
• Óskemen — 380 myń teńge.

Sharshy metrdiń baǵasy eń tómen 5 óńir:

• Qyzylorda — 236,7 myń teńge;
• Aqtóbe — 286,6 myń teńge;
• Taraz — 301,6 myń teńge;
• Taldyqorgan — 304,1 myń teńge;
• Kókshetaý — 305,5 myń teńge.

Foto: krisha.kz

Foto: krisha.kz

Jyl basynan baǵa qalaı qubyldy

2022 jyldyń jeltoqsanynan bastap páter baǵasy orta eseppen 1,2% arzandaǵan. Negizinen arzandaý 14 qalada tirkeldi. Olar: Kókshetaý (-7 %) men Astana (-2%).

Úsh óńirde páter baǵasy ósken: Aqtaý (+9%), Almaty (+1,4%), Qyzylorda (+0,9 %).

Bir jyldaǵy dınamıka

Bir jylda (2022 jyldyń qazanynan 2023 jyldyń qazanyna deıin) baǵa árqalaı qubylǵanymen, qazan aıynyń eki jyldaǵy dınamıkasy dál byltyrǵydaı. Eldiń 12 qalasynda baǵa 6% túsken. Onyń ishinde Astanada 2,1 % arzandaǵan.

Al Aqtaý (+9%), Almaty (+3,1 %), Qyzylorda (2%) oblystarynda baspana baǵasy jyldyq dınamıkada da ósken.