«Baspana berýden bas tartty»: Sýrdlımpıada júldegerleri sotqa shaǵym túsirdi

<p>ALMATY. KAZINFORM - Qysqy Sýrdlımpıada oıyndarynyń qola júldegerlerine kommýnaldyq turǵyn úı qorynan baspana berilmegen. Osyǵan oraı, sportshylar sotqa talap aryz joldady.</p>

R., N. jáne K. 2024 jyly Erzýrýmda (Túrkııa) ótken qysqy Sýrdolımpıada oıyndarynda qola júldeger atanǵan. Mádenıet jáne sport mınıstrliginiń buıryǵymen bekitilgen Olımpıada, Paralımpıada jáne Sýrdlımpıada oıyndarynyń chempıondary men júldegerlerin turǵyn úımen qamtamasyz etý qaǵıdalaryna sáıkes, olar ýákiletti organǵa júgingen. Alaıda olarǵa kommýnaldyq turǵyn úı qorynan baspana berýden bas tartyldy.

Almaty qalasy mamandandyrylǵan aýdanaralyq ákimshilik sotynyń uıǵarymymen estý qabileti buzylǵan sportshylar tobynyń múddesi úshin turǵyn úı berýden bas tartýdy zańsyz dep taný týraly ákimshilik talap aryzy boıynsha jasalǵan medıatsııalyq kelisim bekitildi.

- Sottyń quqyqtyq qorytyndysyn eskere otyryp, oǵan sáıkes basqarma úsh jumys kúni ishinde Sýrdlımpıada oıyndarynyń jeńimpazdary R., N., K.-ne turǵyn úı máselesin sheshýde múddelerin kózdeıtin habarlandyrý jiberetindigi jónindegi kelisimge keldi, - dep habarlady qalalyq sottan.

Eske salaıyq, bıyl naýryz aıynda ótken Sýrdlımpıada oıyndarynda shahmattan Qazaqstan qurama komandasy qola júlde jeńip alǵanyn jazǵanbyz.