Basqarýshy holdıngterdiń qyzmeti ashyq emes – Joǵary aýdıtorlyq palata

ASTANA. QazAqparat – Ulttyq holdıngter men kompanııalar jalpymemlekettik mindetterdi sheshýden bas tartýyn toqtatyn kez keldi. Bul týraly Májilistiń jalpy otyrysynda Joǵary aýdıtorlyq palatanyń tóraǵasy Natalıa Godýnova aıtty, dep habarlaıdy QazAqparat tilshisi.

«Kvazımemlekettik sektor – memlekettik saıasattyń ajyramas jolserigi. Ulttyq holdıngter men kompanııalar bul jaıdy qabyldap, jalpymemlekettik mindetterdi sheshýden bas tartýyn toqtatyn kez keldi. Ondaǵan jyl boıy jalǵasyp kele jatqan memlekettik qoldaý nátıje berýi kerek. Ulttyq holdıngter jańa formatta ekonomıkanyń naqty sektoryn damytýda kóshbasshy bolýǵa qabiletti. Al olardyń dıvıdendtik jáne boryshtyq saıasaty memlekettiń qatań baqylaýynda bolýǵa tıis. Qazir boryshtyq júkteme ósýde, al dıvıdendter respýblıkalyq bıýdjet kiristeriniń shamaly bóligin quraıdy», - dedi palata tóraǵasy.

Onyń atap ótýinshe, basqarýshy holdıngterdiń qyzmeti ashyq emes. Olar Parlamentke múlde esep bermeıdi.

«Bul sizderdiń nazarlaryńyzdy aýdaratyn tujyrymdamalyq jaǵdaılar jáne bizdiń oıymyzsha osy rezervterdi paıdalaný nátıjelerdi basqarýdy jaqsartýǵa múmkindik beredi Barlyq anyqtalǵan máseleler boıynsha biz tıisti usynymdar ázirledik, olar qorytyndyda atap kórsetildi. Bıýdjettik protsesterdi jetildirý máselelerinde Úkimetpen jáne óńirlermen birlesken jumys jalǵasady», - Natalıa Godýnova.