Basqarma qyzmetkerleri Kundelik.kz-ke mektep ashanasyndaǵy mázirdi ornalastyrǵany úshin aqsha alǵan

ASTANA. QazAqparat – BAQ ókilderiniń qatysýymen ótken brıfıngte Sybaılas jemqorlyqqa qarsy is-qımyl agenttiginiń Preventsııa qyzmetiniń basshysy Saıan Ahmetjanov «Bızneske jol» jobasy aıasynda atqarylǵan jumystardy baıandady, dep habarlaıdy QazAqparat tilshisi.

Spıkerdiń atap ótýinshe, joba sheńberinde bilim basqarmasynyń qyzmetkerleri mektep ashanasyn ustaıtyn kásipkerlerge «Kundelik» portalyna foto-mázirdi aqyly negizde ornalastyrýdy usynǵan faktiler anyqtalǵan. Nátıjesinde 400-den astam mektepke qyzmet kórsetetin 117 kásipker Kundelik-ke shamamen 9 mln teńge tólegen.

«Bizdiń bastamamyz boıynsha tamaqtaný qyzmetterin jetkizýshilerdiń, Oqý-aǵartý mınıstrliginiń, elorda ákimdiginiń jáne «Kundelik» JShS ókilderiniń qatysýymen keńes uıymdastyryldy. Mázirdi tegin ornalastyrý týraly sheshim qabyldandy. Osy keńesten keıin Oqý-aǵartý mınıstrligi barlyq ákimdikterge aqy alýǵa jol bermeý týraly hat joldady» - dedi Saıan Ahmetjanov.

Agenttikten málim etkendeı, «Bilim jáne ǵylym mınıstriniń 2018 jylǵy 31 qazandaǵy № 598» buıryǵyna sáıkes, mázirdiń fotosýreti mekteptiń ınternet-resýrsynda tegin jarııalanady.