Basqa baǵytta jumsaýǵa bolmaıdy - QazAvtoJol «Tsıfrlyq teńgege» kóshpek

<p>ASTANA. KAZINFORM — «QazAvtoJol» jol salasyndaǵy jumystardyń ashyqtyǵyn qamtamasyz etý maqsatynda tsıfrlyq teńgeni engizýde, dep habarlaıdy ulttyq kompanııanyń baspasóz qyzmeti.</p>

«QazAvtoJol» ulttyq kompanııasy bıýdjet qarajatyn tıimdi paıdalaný jáne ashyqtyqty qamtamasyz etý maqsatynda respýblıkalyq mańyzy bar avtojoldardyń qurylys jumystaryn júzege asyrý aıasynda «Tsıfrlyq teńge» platformasynda pılottyq jobany iske qosýda.

Joba avtomobıl joldardyń eki ýchaskesin qamtıdy: 

— Atyraý oblysynda «Muqyr-Qulsary» avtojolynyń 31-42 shaqyrymyndaǵy ortasha jóndeý jumystary;

— Pavlodar oblysynda «RF shekarasy (Ombyǵa) — Maıqapshaǵaı» avtojolynyń 383-390 shaqyrymyndaǵy ortasha jóndeý jumystary.

— Pılottyq joba aıasynda jol jóndeýge bólingen qarajat tsıfrlyq teńge platformasynda tańbalanady. Bul merdigerlerden bastap sońǵy ónim berýshilerge deıingi barlyq kezeńde qarjyny maqsatty paıdalanýǵa kepildik beredi. Tańbalanǵan teńgeni tek kórsetilgen maqsattarǵa jumsaýǵa bolady. Ony qolma-qol sheshýge nemese basqa da baǵytta jumsaýǵa bolmaıdy, — delingen habarlamada.

«QazAvtoJol» ulttyq kompanııasy jol ınfraqurylymynyń sapasyn arttyrý men ony damytý maqsatynda ınnovatsııalardy engizý boıynsha jumysty jalǵastyrýda.