Basyna qubyr qulady: Aqmola oblysynda jumysshynyń ólimine baılanysty is qozǵaldy

<p>Aqmola oblysynyń Tselınograd aýdanynda jumysshynyń ólimine baılanysy is qozǵalyp, sotqa deıingi tergeý amaldary júrgizilip jatyr, dep habarlaıdy <a href="https://kaz.inform.kz/" target="_blank" rel="noopener">Kazinform.</a>&nbsp;</p>

PD baspasóz qyzmetiniń málimetinshe, 28 qarashada Tselınograd aýdandyq PB kezekshi bólimine astanalyq aýrýhanaǵa jetkizilgen 34 jastaǵy er adamnyń qaıtys bolǵany týraly habarlanǵan.

Anyqtalǵandaı, er adam ınjenerlik nysandar qurylysymen aınalysatyn kásiporyn jumysshysy. Qubyr jelilerin montajdaý jumystaryn júrgizý kezinde er adamnyń basyna dıametri 280 santımetr, uzyndyǵy 13 metr plastıkalyq qubyr qulaǵan.

«Qazirgi kezde Qylmystyq kodekstiń 156-babynyń 3-bóligi boıynsha «Abaısyzda adam ólimine ákep soqqan eńbekti qorǵaý erejelerin buzý» boıynsha sotqa deıingi tergeý bastaldy. Sot-medıtsınalyq saraptama taǵaıyndaldy, memlekettik eńbek ınspektory tarapynan tekseris júrgizilip jatyr», - dedi vedomstvodan.

Aıta ketsek, budan buryn Aqmola oblysynda abaısyzda qulap kóz jumǵan jumysshynyń ólimine baılanysty is qozǵalǵanyn jazǵan edik.