Basy súıegi myjylǵan: Kókshetaýda jumysshynyń jaraqat alýyna baılanys is qozǵaldy

<p>KÓKShETAÝ. KAZINFORM - Kókshetaýda jumysshynyń óndiristik jaraqat alýyna baılanysty is qozǵalyp, sotqa deıingi tergeý amaldary júrgizilip jatyr.&nbsp;</p>

Aqmola oblysy PD baspasóz qyzmetiniń málimetinshe, 30 qańtarda saǵat 19:30 shamasynda Aqmola oblystyq aýrýhanasyna Kókshetaýdyń irgesindegi Krasnoıar aýylynyń turǵyny «ashyq bas súıek-mı jaraqaty, mańdaı súıeginiń ezilip synýy, mıdyń soqqy alýy» dıagnozymen jetkizilgen. 

Anyqtalǵandaı, er adam jergilikti kásiporyndardyń birinde slesar-jóndeýshi bolyp jumys istegen. Qolmen aınaldyryp tartatyn qurylǵymen júk kóterý kezinde jaraqat alǵan.

«Qazirgi kezde, osy derekke baılanysty Qylmystyq kodekstiń 156-babynyń 2-bóligi boıynsha «eńbekti qorǵaý erejelerin buzý» sotqa deıingi tergeý amaldary bastaldy. Sonymen birge sot-medıtsınalyq saraptama taǵaıyndaldy. Memlekettik eńbek ınspektory mán-jaıdy anyqtap jatyr», - dedi vedomstvodan.

Aıta ketsek, budan buryn 2 saýsaǵynan aıyrylǵan aqmolalyq jumys berýshiden ótemaqy óndirip alǵanyn jazǵan edik.