Bashqurtstanda qalalyq merııaǵa terrorlyq akt jasalmaq boldy

NEFTEKAMSK. BAShINFORM – QazAqparat – Bashqurtstan Respýblıkasy Neftekamsk qalalyq ákimshiliginiń ǵımaratynda terrorıstik akt josparlanǵan. Jergilikti turǵyn qoldan jasalǵan qurylǵymen ákimdikke ot qoımaq bolǵan. QazAqparat bul týraly Bashınform aqparat agenttigine silteme jasap habarlaıdy.

«Ol bul áreketti memlekettik bılik organdarynyń qyzmetin turaqsyzdandyrý jáne konstıtýtsııalyq júıege qarsy narazylyq týdyrý maqsatynda josparlaǵan. Buǵan ınternette de belsendi túrde shaqyrǵan», — dedi respýblıkanyń Federaldyq qaýipsizdik qyzmeti basqarmasynyń baspasóz qyzmetinen.

Qaskóı terrorlyq áreketke daıyndyq barysynda ustaldy.

«Terrorıstik akt» jáne «Terrorıstik áreketti júzege asyrýǵa jarııa túrde shaqyrý, terrorızmdi jarııa túrde aqtaý nemese terrorızmdi nasıhattaý» baptary boıynsha qylmystyq is qozǵaldy. Qaýipsizdik kúshteri kúdiktiniń kompıýterin, órt tutanatyn qospalardy daıyndaý ádisi kórsetilgen vıdeolary bar uıaly telefondardy tárkiledi.