Bashqurtstanda belsendige úkim shyqqannan keıin sherýshiler men polıtsııa arasynda qaqtyǵys bastaldy

<p>ÝFA. KAZINFORM &ndash; Jergilikti belsendi Faıl Alsynovqa úkim shyqqan kúni Bashqurtstannyń Baımaq soty ǵımaratynyń janyna birneshe myń adam jınaldy. Ol arazdyqty qozdyrǵany úshin tórt jylǵa sottalyp, qamaýǵa alyndy. Alaıda, Alsynov mingen avtozak sot ǵımaraty aýmaǵynan shyǵa almady, narazylyq bildirýshiler joldy jaýyp, quqyq qorǵaý organdary qyzmetkerlerimen qaqtyǵys bastaldy, dep jazdy <a href="https://www.bbc.com/russian/articles/c9w2zymz0m2o" target="_blank" rel="noopener">VVS</a>.&nbsp;</p>

2020 jyly shıhan Kýshtaýdy (ejelgi biregeı tóbelerdiń biri) qorǵaǵan Alsynov ótken jyly altyn óndirýge qarsy mıtıngide sóılegen sózi úshin sottaldy.

«Meni qoldaýǵa kelgenderdiń barlyǵyna kóp rahmet. Men muny eshqashan umytpaımyn. Men óz kinámdi moıyndamaımyn. Árqashan ádildik, halyq, respýblıka úshin kúrestim. Áli kórisermiz. Men muny árıne, kútpedim. Prokýror tórt jylǵa kolonııaǵa qonystandyrýdy surady, biraq tórt jylǵa (jalpy rejımdegi) kolonııa berdi. Biz shaǵym jasaımyz», - dedi ol RusNews jarııalaǵan jazbada.

Tyńdaýlar kezinde sot ǵımaratynyń aldyna júzdegen adam jınaldy. Sársenbi kúni odan da kóp adam kelip, ketýden bas tartty. Sherýshiler «Uıat!» dep urandady.

Qalqandar men taıaqtar ustaǵan tártip saqshylary jınalǵandardy Alsynov mingen kólik ótýi tıis qaqpadan shyǵaryp jiberdi. Alaıda qaraýyl jasaq kóligi qaqpadan shyǵa almady.

BAQ habarlaýynsha, qaýipsizdik kúshteri jınalǵan adamdar tobyna tútin men kózden jas aǵyzatyn gazy bar birneshe quty laqtyrǵan. Birneshe adam zardap shekti, sot ǵımaratyna jedel járdem keldi.

Jergilikti bılik narazylyq sharalary jáne polıtsııamen qaqtyǵystarǵa qatysty ázirge túsinikteme bergen joq.

Alsynov Kýshtaý taýyn soda óndirýden qorǵaýshylardyń biri boldy.

2019-2020 jyldary aımaqta Bashqurt soda kompanııasy, jergilikti bılik pen turǵyndar arasynda Kýshtaýǵa baılanysty aýqymdy qaqtyǵys oryn alǵan. Taýdyń etegine shatyrly lager ornatyldy, keıin ony polıtsııa qıratyp, birneshe ondaǵan belsendi ustaldy.