Bashar Asad Astanada ótken sırııaaralyq kelissózderdiń jemisti bolǵandyǵyn aıtty

ASTANA. QazAqparat  - Sırııa Prezıdenti Bashar Asad reseılik parlamentarıılermen kezdesýi barysynda Astanada ótken kelissózderdiń tıimdi dep sanaıtyndyǵyn jáne beıbit retteýdegi jetistikterdiń bar ekendigin aıtty. 

Bul jaıynda Reseıdiń jańalyqtar agenttigi habarlaýda.

«Búgin alǵash ret Sırııa Prezıdentiniń Astana kelissózderin qoldaıtyndyǵy, ony tıimdi ári paıdaly dep sanaıtyndyǵy aıtyldy», - dedi jýrnalısterge Reseı memlekettik dýmasynyń depýtaty Dmıtrıı Sablın Sırııa Prezıdentimen kezdesýden keıin.

Reseılik parlamentarıılermen kezdesý barysynda Asad oppozıtsııa ókilderimen, onyń ishinde qarýly toptarmen de kelissózderge daıyn ekendigin qýattady. Sonymen qatar ol kúrdtermen de ashyq suhbattastyqqa daıyn ekendigin málim etti.

Munan bólek, Sırııa Prezıdenti eldegi oqıǵalar Damaski úshin de, Máskeý úshin de qolaıly baǵytta órbip jatqandyǵyn basa atap ótti.

Reseılik parlamentarıı delegatsııasy Sırııaǵa dúısenbi kúni barǵan bolatyn. Oladyń maqsaty - el basshylyǵymen kezdesip, Sırııadaǵy saıası qurylymdy beıbit jolmen retteý máselelerin talqylaý. Delegatsııa quramynda Sırııa parlamentimen dostyq tobynyń úılestirýshisi Dmıtrıı Sablın, Memlekettik dýmanyń azamattyq qoǵamdy damytý, qoǵamdyq jáne dinı birlestikter máseleleri jónindegi komıtetiniń basshysy Sergeı Gavrılov jáne Aqparattyq saıasat jónindegi komıtet tóraǵasynyń orynbasary Aleksandr ıÝşenko bar.