Básekelestikti qorǵaý agenttigi taksı baǵasyn kótergen «ıAndekske» aýdıt júrgizedi

<p>ASTANA. KAZINFORM &ndash; Astanada qatty jaýyn-shashyn saldarynan 2GIS shkalasy boıynsha 9 ballǵa jetken aýqymdy keptelis týyndady. Bul rette Básekelestikti qorǵaý jáne damytý agenttigi &laquo;ıAndeks.Taksı&raquo; qyzmetiniń qymbattaýy jóninde pikir bildirdi.</p>

Vedomstvonyń málimetinshe, mereke aldyndaǵy kúnderi, buqaralyq is-sharalarda nemese qolaısyz aýa raıy jaǵdaılary sııaqty joǵary suranysta «qaýyrt saǵat» algorıtmi qoldanylyp, sapardyń eń joǵary quny anyqtalady. Bul aýa raıynyń qolaısyzdyǵy sekildi taksıge suranystyń artýymen qatar sapar quny da ósetinin bildiredi.

«Qaýyrt saǵat» algorıtmine yqpal etetin shart – bos júrgizýshilerdiń úlesi (aýmaqtaǵy bos kólikterdiń sany jáne belgili bir ýaqytta tapsyrystardan bosatylǵan júrgizýshilerdiń sany). «Qaýyrt saǵat» merzimi bos júrgizýshilerdiń qoljetimdiligi týraly servıstiń tehnıkalyq jáne statıstıkalyq derekterine súıene otyryp, «ıAndeks.Taksı» algorıtmi arqyly avtomatty túrde ornaıdy. Joǵary suranys kezinde «qaýyrt saǵatty» qoldaný sapardy keıinge qaldyra almaıtyn jolaýshylarǵa taksıdi paıdalanýǵa kómektesedi», — dep túsindirdi Básekelestikti qorǵaý agenttigi.

Odan bólek, ıAndeks baǵdarlamalyq jasaqtamasyn, baǵany belgileýge áser etetin faktorlardy (aýa raıy, mereke kúnderi, suranystyń artýy, júrgizýshilerdiń bolmaýy jáne t.b.) egjeı-tegjeıli zertteý úshin agenttik algorıtmdik baǵa belgileý aýdıtin júrgizedi.

«Básekelestikti qorǵaý salasyndaǵy zańnamany buzý belgileri anyqtalsa, agenttik tıisti den qoıý sharalaryn qoldanatyn bolady», - dep tolyqtyrdy vedomstvo.

Aıta keteıik, keshe Astanada Qabanbaı batyr, Syǵanaq, Saraıshyq, Máńgilik El kóshelerinde jáne basqa da baǵyttarda qozǵalys qıyndady. Qatty jańbyr taksı baǵasynyń aıtarlyqtaı ósýine yqpal etti.