Básekelestikti qorǵaý agenttigi qurylys kompanııalaryn úı baǵasyn arzandatýǵa mindettedi
Agenttiktiń baspasóz qyzmeti taratqan málimetke qaraǵanda, nazarǵa ilingen kompanııalar bul sheshimdi oryndaýǵa kirisip ketken.
Resmı málimet boıynsha, Básekelestikti qorǵaý jáne damytý agenttigi bastapqy turǵyn úı naryǵyndaǵy básekelestiktiń jaı-kúıin taldaý kezinde birqatar kompanııanyń áreketinen turǵyn úı baǵalaryn kelisip belgileý jáne ustap turý belgilerin baıdaǵan.
«Osy kompanııalardyń atyna bastapqy deńgeıli turǵyn úı baǵasyn tómendetý arqyly básekelestikti qorǵaý salasyndaǵy zańnamany buzý belgilerin joıý qajettiligi týraly habarlamalar jiberildi. Qazirgi ýaqytta «RAMS-Qazaqstan» kompanııalar toby monopolııaǵa qarsy organnyń talaptaryn oryndap, Almatyda birqatar turǵyn úı keshenderiniń baǵasyn sharshy metrine 15%-ǵa nemese 90 myń teńgege deıin tómendetetinderin málimdedi», - delingen resmı aqparatta.