Básekelestikti qorǵaý agenttigi el emhanalaryndaǵy basty máselelerdi atady

ASTANA. QazAqparat – Memlekettik medıtsına uıymdary patsıentterdi tartýǵa múddeli emes. Mundaı másele Básekelestikti qorǵaý jáne damytý agenttigi ashyq talqyǵa shyǵarǵan konsýltatıvtik qujatta jazylǵan, dep habarlaıdy QazAqparat tilshisi.

Ashyq NQAportalynda jarııalanǵan qujatta agenttik densaýlyq saqtaý salasynda sheshýdi talap etetin birneshe máseleni kótergen. Olar:

- Memlekettik emhanalarda kórsetiletin medıtsınalyq qyzmetterdiń tómen sapasy;

- Memlekettik emhanalardaǵy qarjy tapshylyǵy;

- Memlekettik medıtsınalyq uıymdardyń patsıentterdi tartýǵa múddeli bolmaýy.

Sonymen qatar vedomstvo halyq arasynda júrgizilgen saýalnama nátıjelerin de mysalǵa keltirgen. Atap aıtqanda, qazaqstandyqtar memlekettik emhanalarǵa qaraǵanda jeke klınıkalarda kórsetiletin qyzmetter sapasyna kóbirek qanaǵattanady.

«Bıyl naýryz aıynda 15 jastan asqan 12 myńǵa jýyq respondent qatysqan «Halyqtyń ómir súrý sapasy» saýalnamasynyń nátıjelerine saı, turǵyndardyń memlekettik densaýlyq saqtaý uıymdaryndaǵy qyzmet sapasyna qanaǵattaný deńgeıi - 39,9%. 2022 jyly bul kórsetkish 34,8 paıyz bolǵan edi. Sonymen qatar, bıyl qyzmet sapasyna narazy adamdardyń úlesi tómendedi - 6,9%-dan 6,5%-ǵa deıin. Bul rette, densaýlyq saqtaý salasyndaǵy memlekettik qyzmetterge ishinara qanaǵattanatyn qazaqstandyqtardyń úlesi 55,4%-dan 51,1%-ǵa deıin azaıdy. Demek, qazaqstandyqtar memlekettik densaýlyq saqtaý uıymdaryna qaraǵanda jeke uıymdar kórsetetin kóbirek kóńili tolady», - dep jazylǵan konsýltatıvtik qujatta.