Básekelestikti damytý jónindegi ulttyq jobadan qandaı nátıje kútiledi
«Básekelestikti damytý jónindegi ulttyq joba» kásipkerler sanyn ósirýge jáne teń jaǵdaı jasaýǵa baǵyttalǵan. Ol bırjalyq saýdany, elektr egnergııasy naryǵyndaǵy básekelestikti damytýdy jáne memlekettiń ekonomıkaǵa qatysýyn azaıtýdy kózdeıdi. Úshinshisi, otyn-energetıkalyq keshen naryǵynda iri kompanııalar jumys isteıdi, sondyqtan resýrstarǵa qoljetimdilik shektelgen. Bırjalyq saýda shaǵyn kompanııalarǵa benzındi, avıakerosındi, dızel otynyn, bıtýmdy deldalsyz satyp alýǵa múmkindik beredi. Jetkizýshiler sany artady, básekelestik kúsheıedi. 2025 jylǵa qaraı, saýda-sattyq kólemi 20 paıyzdy quraıdy. Sondaı-aq, bırjalyq ındıkatorlar qurylady. Bul munaı ónimderi baǵasyn baqylaýdy qamtamasyz etedi», - dedi R. Ahmetov Ortalyq kommýnıkatsııalar qyzmetinde ótken baspasóz máslıhatynda.
Ulttyq joba sondaı-aq elektr energııasynyń saýda-sattyq kólemin 30 paıyzǵa arttyrýdy kózdeıdi. Budan basqa, jetkizýshilerdi aýystyrý tetigi kózdeledi, tutynýshy jetkizýshini tańdaı alady.
«Besinshisi, memlekettik kásipkerlik deńgeıin tómendetý. Munda memlekettik tapsyrmalar sanyn 20 paıyzǵa deıin tómendetý usynylady. Osyǵan baılanysty 18 mlrd teńge somaǵa qyzmetter konkýrs arqyly satyp alynady. Memlekettik operator qysqartylady. Bir kózden memlekettik satyp alýdyń 5 negizi alynyp tastalady. Bul tek negizgi jobalar. Alaıda, qosymsha otyzdan astam is-sharadan turatyn jospar ázirlendi. Olar ulttyq jobaǵa kirmegen, biraq olar básekelestikti damytý úshin mańyzdy. Bul – jeke temir jol tasymaldaýshylaryn, baılanys operatorlaryn jáne sýbsıdııa alýshylardy ulǵaıtý, sondaı-aq, bızneske qoıylatyn talaptardy qysqartý», - deıdi spıker.
Sonymen birge, «Básekelestikti damytý jónindegi ulttyq joba» mynadaı nátıjelerge qol jetkizýge baǵyttalǵan: memlekettiń ekonomıkadaǵy úlesin 14 paıyzǵa deıin tómendetý, orta kásipkerlik úlesin 15 paıyzǵa deıin ulǵaıtý, shaǵyn jáne orta bıznes úshin 2 trln 600 mlrd teńge kóleminde taýar naryqtaryna qol jetkizýdi ulǵaıtý.
«Ulttyq joba is-sharalarynyń kópshiligi básekelestik jónindegi zań jobasynda iske asyrylady. Ol shekteýli resýrstarǵa qol jetkizýdi qamamasyz etýge, bir kózden satyp alýdy qysqartýǵa, memlekettik jáne jekeshe operatorlardyń qyzmetin sondaı-aq tsıfrlyq ekonomıkany retteýge baǵyttalǵan. Qazirgi ýaqytta zań jobasy Premer-Mınıstr keńsesine engizildi. Zań jobasy bazalyq taýar naryqtaryndaǵy básekelestikti damytýǵa negiz bolady», - dedi Rýstam Ahmetov.