Básekelestik zańyn buzǵan eki kásiporynǵa 34 mln teńgege jýyq aıyppul salyndy
QR Básekelestikti qorǵaý jáne damytý agenttiginiń Astana qalasy boıynsha departamenti Jambyl oblysy boıynsha departamentpen birlesip, tuqymdyq jáne otyrǵyzý materıalynyń sorttyq jáne sebý sapasyn anyqtaıtyn qyzmetter naryǵynda «Qazaqstandyq agrarlyq saraptama» AQ jáne «AgroEkspert-AЅ» JShS is-áreketinde básekege qarsy kóldeneń kelisim (karteldik sóz baılasý) jasasý bóliginde zańnamany buzý faktisin anyqtady.
Júrgizilgen tergeý boıynsha «Qazaqstandyq agrarlyq saraptama» AQ jáne «AgroEkspert-AЅ» JShS qatysty ákimshilik is qozǵaldy.
Іsterdi qaraý qorytyndysy boıynsha Astana qalasynyń ákimshilik mamandandyrylǵan aýdanaralyq sotynyń 20 naýryzdaǵy qaýlysymen «Qazaqstandyq agrarlyq saraptama» AQ-ǵa jalpy somasy 24 600 940 teńge aıyppul salyndy.
Sonymen qatar, Jambyl oblysy Taraz qalasynyń ákimshilik mamandandyrylǵan aýdanaralyq sotynyń 25 naýryzdaǵy qaýlysymen «AgroEkspert-AЅ» JShS 9 241 130 teńge aıyppul tóleıtin boldy.
Astana qalasynyń ákimshilik ister jónindegi sot alqasy birinshi satydaǵy sottyń qaýlysyn ózgerissiz qaldyrdy, apellıatsııalyq shaǵym qanaǵattandyrylmady.