Bas júlde – 2 mln teńge: Pavlodarda Qala kúnine oraı báıge ótti

PAVLODAR. QazAqparat – Pavlodarda Qala kúnine oraı uıymdastyrylǵan at jarysyna kórshi óńirlerden sportshylar keldi, dep habarlaıdy QazAqparat Ravlodarnews.kz saıtyna silteme jasap.

Ulttyq sport túrlerinen jarystar «Qulager» ıppodromynda uıymdastyryldy.
Pavlodar qalasynyń dene shynyqtyrý jáne sport bóliminiń basshysy Áset Ábiltaevtiń aıtýynsha, jarystyń aqtyq máresi 16 shildede ótti. Oıyn Ekibastuz komandasynyń jeńisimen aıaqtaldy.

Kókpardan basqa, báıge, qazaq kúresinen týrnır uıymdastyryldy.

«Báıgege Nur-Sultan, Atyraý, Óskemen, Pavlodardan asyl tuqymdy jylqylar ákelindi. Qunan báıge jarysynyń jeńimpazyna – mıllıon teńge, taı báıgege – mototsıkl, top báıgege – 1,5 mıllıon, jorǵa jarysyna – 500 myń teńge, alaman báıgege 2 mıllıon teńge utys tigildi. Qazaq kúresi boıynsha balýandardyń júlde qory – mıllıon teńge», - dedi uıymdastyrýshylar.

Mundaı kólemdegi is-shara Pavlodarda ekinshi ret ótkizilip otyr.

Oblys ortalyǵyna jarysta baq synaý úshin 50-den astam qatysýshy keldi. Kelesi týrnır qyrkúıek aıynda ótedi.

Foto: Konstantın Shelkov, Konstantın Mýzalevskıı