Bás tigýdi nasıhattaıtyn jarnamaǵa tyıym salý kerek – mınıstr

<p>Týrızm jáne sport mınıstri Ermek Marjyqpaev ortalyq kommýnıkatsııalar qyzmetinde ulttyq zańnamaǵa ótken brıfıngide bás tigýdi nasıhattaıtyn jarnamaǵa tyıym salý usynylyp otyrǵanyn eske saldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Mınıstrlik oıyn bıznesiniń josyqsyz sýbektilerimen belsendi kúresip keledi. Máselen, 2023 jyly sotqa 14 talap-aryz jiberilip, 7 býkmekerlik keńse, 5 totalızator jáne 1 oıyn avtomatynyń zaly jumysyn toqtatqan.

«Depýtattarmen birlesip, azamattardy qumar oıyndardan shekteý úshin birqatar zańnamalyq túzetýler ázirlendi. Jas shekteýin 25 jasqa deıin kóterý, býkmeker keńseleri, bás tigý týraly kez kelgen jarnamaǵa barlyq jerde tyıym salý qarastyrylyp jatyr. «Jaýapty oıyn» halyqaralyq qaǵıdatyn engizý josparlanyp otyr, ıaǵnı eger adam boryshkerlerdiń, alıment tólemeıtinderdiń jáne kredıtter boıynsha merzimi ótken bereshegi bar biryńǵaı tizimge engizilse, oǵan qumar oıyndaryn oınaýǵa tyıym salynady. Osy sharalardyń barlyǵy eldegi lýdomanııanyń damýyna jol bermeý jónindegi quqyqtyq tártipti zańdy retteýge jáne qamtamasyz etýge baǵyttalǵan. Qazir elde 13 býkmekerlik keńse, 8 oıyn avtomatynyń zaly, 5 kazıno, 2 totalızator, 1 lotereıa operatory jáne 7 myńnan astam agent jumys isteıdi», — dedi Ermek Marjyqpaev.