Jandos Ómirálıev órt shyqqan hosteldiń jertólede bolǵany týraly: Bul zańǵa sáıkes kelmeıdi

<p>Bas prokýrordyń orynbasary Jandos Ómirálıev Almatydaǵy órt shyqqan hosteldiń jertólede bolǵany týraly aqparatqa pikir bildirdi, dep habarlaıdy <a href="https://kaz.inform.kz/." target="_blank" rel="noopener">Kazinform.&nbsp;</a></p>

«Ǵımarattyń birinshi qabatynda jáne astyńǵy qabatynda (tsokolnyı etaj) adamdar turǵan degen aqparat tarap jatyr. Árıne, bul zańǵa sáıkes kelmeıdi. Sebebi zańda turǵyn úı jáne turǵyn úı emes degen norma bar. Turǵyn úı emes ǵımarattardyń qoldaný maqsatyn aýystyrý kerek. Biraq bizdiń aqparatymyzsha, ǵımarat ákimshiligi tarapynan aýystyrylmaǵan. Sondyqtan ǵımarattyń astyndaǵy qabattaǵy adamdardyń turýy meniń oıymsha zańǵa qaıshy keledi», - dedi Jandos Ómirálıev.

Sondaı-aq ol órtten qaıtys bolǵan marqumdardyń jaqyndaryna kóńil aıtty.

«Almatyda bolǵan órt – óte aýyr jaǵdaı. Birinshiden, men (órtten) qaza bolǵan azamattardyń jaqyndary men týysqandaryna kóńil aıtqym keledi. Ózderińiz bilesizder, búgin túngi saǵat 5.45-te (Almaty qalasy TJD-ǵa) órt týraly habarlama tústi. Bir saǵattyń ishinde órt sóndirýshiler (hosteldegi) órtti sóndirdi. Degenmen 13 adam qaıtys boldy. Bul derek boıynsha Іshki ister organdary qylmystyq is qozǵady. Bul qylmystyq istiń sapaly, jan-jaqty tergelýi qamtamasyz etý úshin Bas prokýror tıisti úkim shyǵardy. Onyń tapsyrmasyna sáıkes Bas prokýratýranyń bilikti qyzmetkerleri, sondaı-aq Almaty qalasynyń prokýratýrasynyń qyzmetkerleri tergeý tobymen birge barlyq kúsh-jigerimizdi salyp, qysqa ýaqytta jaýapkershilikpen qaraý máselesin qarastyramyz», - dedi Bas prokýrordyń orynbasary.

Almatyda hostelde bolǵan órt týraly sońǵy málimetter myna jerde.