Bas Prokýror: Teris ıdeologııamen kúresý tek quqyq qorǵaý organdarynyń ǵana emes, bárimizdiń mindetimiz
«Qazir buryn bolmaǵan jańa qaýip - ekstremızm men terrorızm paıda boldy. Ol búkil álemdi jaýlap otyr. Planetamyzdyń qaı jerin alsań da jarylystar bolyp jatyr - Túrkııa, Frantsııa, Belgııa, Reseı, AQSh, Sırııa, Irak. Bul tizimdi jalǵastyra berýge bolady. Qylmyskerler ıslam dinin jamylyp, qarapaıym halyqtyń qanyn tógip jatyr. 2014-shi jyly terrorıster 32 myń adamdy óltiripti. Bul qaýip bizge de keldi. Osyndaǵy jaǵdaı búkil eldi dúrliktirdi. Qanshama qan tógildi. Qanshama jazyqsyz adam qaza boldy. Qanshama otbasy týystarynan aıyrylyp, qara jamyldy»,- dedi Bas prokýror.
J.Asanov buryn syrttan kelgen terrorısterden qoryqsaq, qazir olar aramyzdan shyǵyp jatqandyǵyn, bul eldiń berekesin alyp, mazasyn qashyratyndyǵyn atap ótti.
«Ne jumysyn, ne bıznesin jasaı almaı, qaýip qashan basylady dep jurt úıinde tyǵylyp otyrady. Terrorısterge de keregi sol - halyqty qorqytý, úrkitý, úreı týǵyzý. Mundaı teris ıdeologııamen kúresý tek quqyq qorǵaý organdarynyń ǵana emes, bárimizdiń mindetimiz. Sondyqtan balalardyń keleshegi, eldiń bolashaǵy úshin teris jolǵa túspe, jaman ádetten aýlaq bol dep, el bolýdyń qamyn jasaıyq, aǵaıyn», - dedi ol.
Osy rette ol adasqan baýyrlarymyzdy qaıta ózimizge tartyp, durys baǵyt berý kerektin eskertip ótti.
«Qatelespeıtin adam bolmaıdy. Jas adam maksımalızmge urynshaq. Bizdiń mindetimiz - olardyń betin qaıtarý, durys jolǵa túsirý, pıǵylyn ózgertý. Budan artyq basqa jol joq», - dep qorytty óz sózin Jaqyp Asanov.