Bas prokýror qazaqstandyqtar úshin 100 keńes daıyndaýda

ASTANA. QazAqparat - QR Bas prokýrory Jaqyp Asanov azamattardy qoǵamdyq tártipti saqtaýǵa tartýǵa baǵyttalǵan birqatar yntalandyrýshy sharalar usyndy.

«Árbir azamat úshin jeke basynyń jáne otbasynyń, jeke múlkiniń qaýipsizdigi alańdatady. Biraq óz aýlasynda, kórshilerde ne bolyp jatqandyǵyna bas qatyrǵysy kelmeıdi. Bul - bizdiń kinámiz. Tártip polıtsııanyń ǵana moınynda bolmaýy kerektigin uǵyndyra almaǵanymyz», - dedi J. Asanov vedomstvonyń jartyjyldyq qorytyndysyn shyǵarýǵa arnalǵan alqa májilisinde.

Bul jerde árkimniń sıgnaly qajet, tártipsizdikke árbir azamattyń kóńil aýdarýy jáne oǵan nemquraılyq tanytpaýy mańyzdy, dep sanaıdy Bas prokýror.

«Biz prokýrordyń 100 keńesin daıyndaýdamyz. Biz ol jerde naqty ómirde bolatyn oqıǵalar boıynsha keńes beremiz. Mysaly, alaıaqtyń qurbany bolmaýy úshin ne isteý kerek, tekserispen kelse qandaı qadamdar jasaý qajet, memlekettik organdardaǵy aryzdyń nátıjesin qalaı qadaǵalap otyrý kerek degen saýaldarǵa jaýap jazylady», - dedi ol.

J. Asanov osy keńesterdi Bas prokýroratýra janyndaǵy Quqyqqorǵaý organdary akademııasyna jasaqtaýdy jáne ony ınternetke jarııalaýdy tapsyrdy.