Bas prokýror: Qazaqstanda sottalǵandar sany 25 paıyzǵa azaıdy
12:10, 30 Qańtar 2013
ASTANA. 30 qańtar. QazAqparat - Qazaqstanda sottalǵandar sany 25 paıyzǵa azaıdy.
Búgin Aqordada Elbasy Nursultan Nazarbaevtyń quqyq qorǵaý organdary basshylarymen ótkizip jatqan keńesinde QR Bas prokýrory Ashat Daýylbaev osylaı dedi.
Onyń atap ótýinshe, Elbasynyń qylmystyq zańnamany izgilendirý saıasaty men raqymshylyq jasaý nátıjesinde sottalǵandardyń sany 25 paıyzǵa qysqardy. Sonymen qatar Qazaqstan halyqaralyq ındekstegi reıtıngin 18 ustanymǵa jaqsartýǵa múmkindik aldy.
«Jazalaý protsedýrasy da ózgerdi. Ótken jyly sottar bas bostandyǵynan aıyrýdyń ornyna 25 paıyz bostandyǵyn shekteý sharasyn qoldandy, buǵan deıin ol nebári 2 paıyzdy quraıtyn», - dedi elimizdiń Bas prokýrory.