Bas prokýror áriptesterine azamattarmen «túsinikti tilde» sóılesýge keńes berdi

ASTANA. QazAqparat - QR Bas prokýrory Jaqyp Asanov áriptesterin azamattarmen túsinikti tilde sóılesýlerin surady.

«Qıyn sózder, qurǵaq siltemeler, tym qatal bolǵandyqtan adamdar bizdiń jaýaptarymyzdy túsinbeıdi. Biz bir basqa planetadan kelgen sııaqtymyz. Olar jaýapty taba almaı, BAQ-qa, ÚEU-ǵa jáne halyqaralyq uıymdarǵa júginedi. Aryzdardyń kóp bolyp ketkeni de osydan», - dedi ol búgin Bas prokýratýranyń jartyjyldyq qorytyndysynda. 

- Ony qalaı túzeı alamyz? Beriletin jaýapty adamsha jetkizińizder! Bilimi joq azamattardyń ózi bizdi jete túsinýi kerek. Aryzdanýshynyń barlyq dáleldemeleri men daýlaryn jiktep otyrý qajet jáne olarǵa naqty dálel-aıǵaqtarmen jaýap qaıyrý kerek. Aryzdyń mánin uǵynýlarymyz tıis. Adamnyń aryzyn oqyp otyrǵan kezde, keıde onyń ne aıtqysy kelgenin túsiný qıyn. Iá, keıde emotsııa kóp te, aryzdanýshynyń aıtaıyn degen shaǵymy joq bolady, - deıdi Bas prokýror.

Onyń aıtýyna qaraǵanda, Bas prokýratýrada aryzdardyń túsinikti bolýy úshin, azamattarǵa ońaı bolý úshin aryz-shaǵymdardyń shablondary daıyndalady.

Onda aryzda nendeı máseleler bolýy kerek, óz talaptaryn qalaı jetkizý qajettigi kórsetiledi.