Bas prokýratýranyń aktıvterdi qaıtarý jónindegi komıteti quryldy
"Jańa vedomstvo - «Zańsyz ıemdenilgen aktıvterdi memleketke qaıtarý týraly» Qazaqstan Respýblıkasynyń Zańyna sáıkes aktıvterdi qaıtarý jónindegi ýákiletti organ. Komıtettiń mindetteri aktıvterdi izdeý jáne qaıtarý, osy saladaǵy halyqaralyq-quqyqtyq yntymaqtastyqty damytý, sondaı-aq ekonomıkalyq resýrstardyń zańsyz shoǵyrlanýyna jáne aktıvterdi zańsyz shyǵarýǵa yqpal etken sebepter men jaǵdaılardy anyqtaý jáne joıý bolyp aıqyndaldy.
Sonymen birge komıtet eldiń Premer-Mınıstri basqaratyn Zańsyz ıemdenilgen aktıvterdi memleketke qaıtarý máseleleri jónindegi komıssııanyń jumys organy bolyp tabylady", - dep málimdedi Bas prokýratýra.
Qoıylǵan mindetterdi oryndaý, onyń ishinde múliktiń shyǵý kózderiniń zańdylyǵyn anyqtaý úshin komıtet aktıvter men olardyń ıeleri týraly barlyq qajetti aqparatty suratýǵa jáne alýǵa, sondaı-aq ǵalymdardy, sarapshylardy, mamandardy tartýǵa quqyly.
Komıtettiń fýnktsııalaryna aktıvter týraly aqparatty monıtorıngileý jáne taldaý, aktıvterdiń shyǵý kózderiniń zańdylyǵyn tekserý, komıssııanyń sheshimi boıynsha arnaıy tizilimge engizilgen adamdardan aktıvterdi ashyp kórsetý týraly deklaratsııalardy qabyldaý jáne qaraý kiredi.
"Vedomstvo, sondaı-aq shet memleketterge zańsyz shyǵarylǵan aktıvterdi tyıym salý, qamtamasyz etý sharalaryn qabyldaý jáne tárkileý týraly suraý salýlar jiberýge; zańsyz ıemdenilgen aktıvterdi memleket kirisine aınaldyrý týraly qazaqstandyq jáne sheteldik sottarǵa talap qoıýlar berýge; sotqa deıingi tergep-tekserýlerge bastamashylyq jasaýǵa jáne derbes júrgizýge; aktıvterdi erikti túrde qaıtarý týraly kelisimder (bitimgershilik, protsestik jáne ózge de kelisimder) jasasýǵa ýákiletti", - delingen aqparatta.
Komıtet aktıvterdi qaıtarý máseleleri boıynsha Qazaqstannyń sheteldegi múddelerin bildiretin, halyqaralyq tájirıbeni zerdeleıtin, atqarylǵan jumys týraly aqparatty jyl saıyn jarııalaıtyn, sondaı-aq zańsyz shyǵarylǵan aktıvterdi elge qaıtarý maqsatynda ózge de ókilettikterdi júzege asyratyn bolady.
Uıymdastyrý máselelerin sheshýmen birge vedomstvo negizgi qyzmettik mindetterdi oryndaýǵa kiristi.