Bas prokýratýrada Tuńǵysh Prezıdenti kúnine arnalǵan saltanatty jıyn ótti
Bas Prokýror Ult kóshbasshysy - Nursultan Nazarbaevtyń memlekettiliktiń qalyptasýy jolyndaǵy baǵa jetpes eńbegine toqtala otyryp, táýelsiz Qazaqstannyń tarıhy, elimizdiń jetistikteri men tabystary onyń atymen tyǵyz baılanysty ekendigin atap kórsetti.
«Prezıdenttiń basshylyǵymen Qazaqstan halyqaralyq keńistikte óziniń laıyqty ornyn alyp, zamanaýı álemdik saıasattyń mańyzdy múshesine aınaldy. Elimizdiń egemendigin nyǵaıtý, ishki jáne syrtqy saıasattaǵy strategııalyq basymdyqtardy, ǵalamdyq jáne aımaqtyq bastamalardy júzege asyrý jónindegi Nursultan Ábishuly Nazarbaevtyń san qyrly batyl bastamalary qoǵamda orasan qoldaý taýyp, barsha halyqaralyq qaýymdastyqtyń aldynda asqaq abyroıǵa ıe boldy. Ekonomıkadaǵy ilgerileýshilik pen saıasattaǵy oń ózgerister ishki saıası turaqtylyq pen qoǵamdaǵy aýyzbirshilikti saqtaýǵa negiz salyp, azamattyq qoǵamnyń odan ári qarqyndy damýynyń berik irgetasyn qalady. Osynaý uly úderiste quqyq qorǵaý júıesiniń mańyzdy ınstıtýttarynyń biri bolyp tabylatyn Qazaqstan prokýratýrasynyń da qosatyn úlesi men alatyn oryn erekshe. Prezıdentke tikeleı esep beretin organ retinde prokýratýra Ata Zańnyń myzǵymastyǵyn, azamattardyń quqyqtaryn qorǵaý jáne elimizdegi zańdylyqtyń jaı-kúıin qamatamsyz etýdiń mańyzdy quraly», -dedi A.Daýylbaev. Saltanatty is-sharaǵa qatysýshylar QR Tuńǵysh Prezıdenti týraly derekti fılmdi tamashalady.