Bas prokýratýra janynan Quqyq qorǵaý organdarynyń akademııasy qurylady - I. Merkel

ASTANA. QazAqparat - QR Bas prokýratýrasy janynan Quqyq qorǵaý organdarynyń akademııasy qurylmaq. Bul týraly búgin Parlament Májilisinde zańgerlik qyzmetterdi retteý máselesine arnalǵan «dóńgelek ústel» jıynynda Bas prokýror orynbasary Iogan Merkel málimdedi.

«Prokýror qaýymdastyǵy máselesine qatysty aıtar bolsaq, búgingi tańda Bas prokýratýra janynan Quqyq qorǵaý organdarynyń akademııasyn qurý týraly másele kelisilý satysynda tur. Atalǵan akademııa tutastaı quqyq qorǵaý organdary salasyndaǵy joǵary bilikti mamandardy daıarlaýmen aınalysady. Al daıyndyq negizinen Prezıdenttik rezervke qamtylǵandardyń barlyǵyna qatysty bolmaq», - dedi Iogan Merkel.

Onyń aıtýynsha, bul asa salmaqty másele, sondyqtan osy baǵytta jumys júrip jatyr.

Budan bólek, Bas prokýror orynbasary damyǵan elderdiń tájirıbesin alǵa tarta otyryp, zańger mamandardy daıarlaýdy tereńdete túsýdiń qajettigine toqtaldy.