Bas prokýratýra Toqmadıge qatysty beıneshaǵym boıynsha tekserý júrgizdi
«31 shildede ǵalamtorda D.Aımbetova-Tokmadı kúıeýi Murathan Toqmadıǵa Bas prokýratýranyń vedomstvoaralyq jedel-tergeý tobynyń tarapynan azaptaý kórsetildi degen beıneshaǵymy jarııalandy. Atalǵan derekterdi tekserý maqsatynda Bas prokýratýra jedel túrde tıisti sharalar qabyldady», - delingen habarlamada.
31 shildede Almaty qalasynyń UQK departamentiniń Tergeý ızolıatorynan prokýratýraǵa M.Toqmadı tańerteńgi serýen barysynda (serýendeý alańynda) týrnıktan qulaǵany jaıly habarlama kelip úsken.
Kúdiktiniń advokattarynyń qatysýymen sot-medıtsınalyq jáne hımııa-toksıkologııalyq saraptamalar júrgizildi. Nátıjesinde aǵzada hımııalyq zattar tabylǵan joq. Al sot-medıtsınalyq saraptama qorytyndysy denedegi jaraqattar joǵaryda kórsetilgen jaǵdaıda paıda bolǵanyn kórsetti.
M.Toqmadıdiń týrnıktan qulaý faktisi is materıaldaryna qosa tirkelgen beınebaqylaý kameralarynyń jazbasymen de dáleldendi. Onyń ústine M.Toqmadıdiń ózi de, basqa da tergeý ızolıatorynda qamalǵandar da dene jaraqatynyń alyný jolyn rastady.
Protsessýaldy prokýror kúdiktimen áńgimelesý barysynda M.Toqmadıdiń tarapynan UQK-niń qyzmetkerleri ústine qandaı da bir shaǵym aıtylǵan joq.
D.Aımbetova-Tokmadıdiń beıneshaǵymynda kórsetilgen derekter óz dálelin tappaǵan soń, prokýratýra osy fakti boıynsha tekserý amaldary aıaqtaldy.
«Óz tarapynan Bas prokýratýrasynyń vedomstvoaralyq jedel-tergeý toby aryz ıesine kúdiktiniń óz erkimen týrnıkte jattyǵý jasaý kezinde qulap dene jaraqatyn alǵan faktini rastaıtyn vıdeojazbany kórsetýge daıyn», - delingen habarlamada.