Bas prokýratýra Іshki ister eks-mınıstri E.Turǵymbaevqa qatysty tarap jatqan aqparattarǵa túsinikteme berdi

<p>ASTANA. KAZINFORM &ndash; Bas prokýratýra Іshki ister eks-mınıstri E. Turǵymbaevty jáne polıtsııa organdarynyń basqa da basshylaryn qylmystyq qýdalaý týraly túrli telegram-arnalarda taratylǵan aqparatqa qatysty túsinikteme berdi.</p>

QR Bas prokýratýrasy baspasóz qyzmetiniń habarlaýynsha, 2022 jyldyń basynan bastap Bas prokýratýra qańtar oqıǵalary kezeńinde quqyqtyq tártip pen qaýipsizdikti qamtamasyz etpeýge, sondaı-aq azamattarǵa azaptaýdy qoldanýǵa baılanysty kúsh organdarynyń qyzmetkerlerine qatysty tergep-tekserýlerdi jalǵastyrýda.

Olardy jasaǵany úshin sottar oblystyq polıtsııa jáne ulttyq qaýipsizdik organdarynyń birqatar basshylary men qyzmetkerlerin sottady.

Júrgizilip jatqan tergep-tekserýler sheńberinde Іshki ister eks-mınıstri E.Turǵymbaevtan jaýap alyndy.

Sondaı-aq, Bas prokýratýra Almaty oblysy Qarasaı aýdany Qoshmambet aýylynda ornalasqan arnaıy qabyldaý jaǵdaıynda ustalǵan azamattarǵa azaptaýdy qoldaný týraly is boıynsha dáleldemeler jınady.

2024 jyldyń 16 naýryzynda osy qylmysty jasaǵany úshin Qarasaı aýdanynyń arnaıy qabyldaý orny jáne polıtsııa basqarmasynyń burynǵy basshylary qamaýǵa alyndy.

«Budan basqa, qyzmettik atys qarýyn urlaý faktileri boıynsha Taldyqorǵan qalasy polıtsııa basqarmasynyń burynǵy basshylyǵyna qatysty tergep-tekserý jalǵasýda. Osy tergep-tekserýler boıynsha basqa da málimetter tergep-tekserýdiń, sondaı-aq azamattardyń quqyqtary men zańdy múddelerin saqtaı otyryp, jurtshylyqqa jetkiziletin bolady»,-delingen baspasóz-baıanynda.