Bas prokýratýra Serik Kúdebaevtyń qańtar oqıǵasy boıynsha kúdikke ilingenin rastady
«Iá, ol qylmystyq is boıynsha kúdikti dep tanylǵan. Birqatar BAQ onyń isine qatysty saýal joldaǵan bolatyn. Jarııalanyp jatqan aqparattar sol saýaldyń jaýabyna negizdelgen», - dedi Bas prokýratýra ókili.
Aıta keteıik, 25 sáýirde birqatar BAQ-ta general-maıor Serik Kúdebaevtyń QR Іshki ister organdarynan ketkeni týraly aqparat tarap, Іshki ister mınıstrliginiń baspasóz qyzmeti ol málimetti rastaǵan bolatyn.
Bas prokýratýranyń málimeti boıynsha, qańtar oqıǵasy kezinde Almaty oblysynda 16 adam mert bolǵan.
Buǵan deıin de QR Bas prokýratýrasy 1-qyzmet bastyǵynyń orynbasary Eldos Qılymjanov qańtar oqıǵasy kezinde kúdikke ilingen kúsh qurylymdarynyń basshylary týraly málimet bergen edi.
«Arnaıy prokýrorlar kúsh qurylymdarynyń jekelegen basshylaryna qatysty tergeýdi jalǵastyryp jatyr. 5 qańtarda Almaty qalasynda, Almaty, Jambyl jáne Qyzylorda oblystarynda 2 polıtsııa departamenti men 3 Ulttyq qaýipsizdik komıteti departamentteriniń basshylary óz ǵımarattaryn, qarýymen qaldyrǵany belgili. Olardyń bári kúdikti dep tanyldy. Osy faktiler boıynsha qyzmet babyndaǵy áreketsizdik jóninde 9 qylmystyq is qozǵaldy», - degen bolatyn.