Bas prokýratýra Semeı ormanyndaǵy órttiń úsh nusqasyn tekserip jatyr

ASTANA. QazAqparat – QR Bas prokýrorynyń orynbasary Jandos Ómirálıev Abaı oblysyndaǵy orman órtiniń shyǵýy sebebi boıynsha birneshe nusqa qarastyrylyp jatqanyn aıtty, dep habarlaıdy QazAqparat tilshisi.

«Birinshi nusqa aıasynda ormandy qasaqana órtteý áreketi tekserilip jatyr. ıAǵnı aǵashty satý maqsatynda osyndaı qylmys jasalýy múmkin. Ekinshiden, adamı faktor saldarynan órttiń taralýy nusqasy bar. Al úshinshi nusqada tabıǵı sıpattaǵy faktordyń áseri qaralady. Úsh nusqanyń barlyǵy tekseriledi», - dedi J. Ómirálıev búgin Májilis otyrysynan keıin tilshiler suraǵyna jaýap bere otyryp.

Buǵan deıin Jandos Ómirálıev Abaı oblysyndaǵy órtke qatysty qylmystyq is aıasynda mınıstrler men ákimderden jaýap alý týraly suraqqa jaýap bergen bolatyn.

Semeı ormanyndaǵy órt boıynsha óz qyzmetine salǵyrt qaraǵan laýazym ıeleri qylmystyq jazaǵa tartylatynyn málim etildi.