Bas prokýratýra «Óz mamandyǵynyń úzdigi» baıqaýynyń qorytyndysyn shyǵardy

ASTANA. QazAqparat - Bas prokýratýrada «Óz mamandyǵynyń úzdigi» atty prokýratýra qyzmetkerleri arasyndaǵy vedomstvolyq baıqaýdyń qorytyndysy shyǵaryldy.

Baıqaýdy ótkizýdiń maqsaty - joǵary bilikti qyzmetkerlerdi anyqtaý, qadaǵalaý qyzmetiniń tıimdiligin arttyrý, kásibı qyzmetti kótermeleý jáne yntalandyrý, prokýrorlyq mamandyqtyń bedelin kóterý bolyp tabylady, dep habarlaıdy Bas prokýratýranyń baspasóz qyzmeti.

Úmitkerlerge jumysta joǵary kórsetkishterge qol jetkizýmen qatar kreatıvtik oılaý qabileti, jumysty jetildirýge baǵyttalǵan jańashyl ıdeıalar, sondaı-aq úmitkerdiń jeke basynyń qasıetteri men moraldik bet-beınesiniń bolýy basty talaptardyń biri retinde qoıyldy.

Respýblıkalyq baıqaý komıssııasy kandıdatýralardy qaraý qorytyndysy boıynsha 36 qyzmetkerdi anyqtady, olardyń arasynan 17 nomınant «Óz mamandyǵynyń úzdigi» ataǵyna ıe boldy, qalǵan 19 qyzmetker úzdik qyzmetkerler tizimine engizýge usynyldy.

Búgin prokýratýra kúnin merekeleý qurmetine oraı ótkizilgen saltanatty jınalysta baıqaý jeńimpazdaryna belgiler jáne dıplomdar tabys etildi.