Bas prokýratýra OQO-daǵy oqýshyny zorlaýǵa qatysty isti óz baqylaýyna aldy

ASTANA. QazAqparat - QR Bas prokýratýrasy Ońtústik Qazaqstan oblysynda kámelettik jasqa tolmaǵan oqýshy qyzdy zorlaý isin óz baqylaýyna aldy, dep habarlaıdy QazAqparat.

Bul týraly QR Bas prokýratýrasynyń Feısbýktegi paraqshasynda jarııalandy.
«Kúdikti ustalyp, sot sanktsııasymen qamaýǵa aldyndy. Іs Ońtústik Qazaqstan oblystyq ІІD-ine berildi. Іs boıynsha oblystyq prokýratýrada prokýrorlyq is júrgizý taǵaıyndaldy», delingen jazbada.  Sondaı-aq, oqıǵa bolǵan Báıdibek aýdanynyń prokýrory Ábýtálip Mustafaev qyzmetinen shettetildi.

Eske sala ketsek, Báıdibek aýdanynyń ortalyǵy Shaıan aýylynda  8-shi synyp oqýshysyn zorlady degen kúdikpen 21 jastaǵy jigit qamaýǵa alynǵan bolatyn. Oqýshy qyzdyń týystary polıtseıler tıisti shara qoldanbady dep Bas prokýratýra men Іshki ister mınıstrligine áleýmettik jeli arqyly úndeý jarııalaǵan edi.  
«Túlkibas aýdanynyń 1996 jylǵy turǵynynyń ústinen QR QK-niń 122-baby boıynsha qylmystyq is qozǵaldy. Sotqa deıingi tergeý amaldary bastalyp jatyr. Jáne tergeýshiler birneshe saraptama taǵaıyndaǵan. Saraptama qorytyndysy boıynsha naqty protsessýaldyq sheshim qabyldanatyn bolady», - dep málim etti oblystyq ІІD Baspasóz qyzmetiniń jetekshisi Saltanat Qarakózova.