Bas prokýratýra ókili Frantsııadan Áblıazovti qaıtarýǵa qatysty pikir bildirdi
Aıta keteıik, búgin Parlament Májilisiniń jalpy otyrysynda «Qazaqstan men Frantsııa arasyndaǵy qylmystyq ister boıynsha ózara quqyqtyq kómek týraly shartty ratıfıkatsııalaý týraly» Zańy qabyldady.
Osy oraıda tilshiler Bas prokýrordyń orynbasarynan atalǵan qujat arqyly Muhtar Áblıazovti Qazaqstanǵa ekstradıtsııalaý múmkindigi týraly surady.
Óz kezeginde Á. Shyndalıev bul qujatta isti bolǵan adamdardy berý nemese ekstradıtsııalaý eskerilmegenin aıtty.
«Shart tek quqyqtyq kómek kórsetýdi qarastyryp otyr. Bul turǵyda tergeý amaldaryn júrgizý, tintý sııaqty is-sharalar eskerilgen. Sondyqtan qylmystyq jaýapqa tartý úshin adamdardy ekstradıtsııalaý atalǵan qujatta qamtylmaǵan. Atap aıtqanda, osy shart Áblıazovke qatysty emes. Mundaı qujattardy osyǵan deıin 29 memleketpen bekitken edik. Bul shart naqty bir adamǵa arnalmaǵan», - dedi Bas prokýrordyń orynbasary.
Osy oraıda ol isti bolǵan adamdardy aldyrtýǵa qatysty jeke sharttar bar ekenin eske saldy. Bul qujat aıasynda elge qaıtarý talaptary bolady
«Mundaı shartty Frantsııamen arada bekitpedik. Eger atalǵan shartsyz biz ekstradıtsııa týraly suraý joldasaq, óz kezeginde Frantsııa bul suraýǵa qandaı jaýap beretinin ózi qarastyrady», - dedi ol.
9 jeltoqsanda Frantsııa Muhtar Áblıazovke saıası bassaýǵa bolýdan bas tartty.
Amerıka alqabıler soty aqsha urlaý faktisi boıynsha Muhtar Áblıazovqa $218 mln aıyppul saldy.
Foto: kursiv.kz