Bas prokýratýra ókili Ábilıazovtiń áleýmettik jelidegi belsendiligine qatysty pikir bildirdi
«Muhtar Ábilıazov sońǵy kezde áleýmettik jelide belsendi. Shyn máninde ol kim edi? Toqsanynshy jyldardyń basynda Energetıka mınıstri bolǵan. 1999 jyly qyzmetin paıdalanyp aqsha jymqyrǵany úshin qyzmetinen bosatyldy. 2002 jyly Áblıazov sottyń úkimimen 6 jylǵa bas bostandyǵynan aıyryldy. Bir jyldan keıin raqymshylyq týraly ótinish túsirdi. Sol kezdegi el Prezıdenti onyń ókinetinine senip, bostandyqqa shyǵardy. Biraq Ábilıazov shyndap ókinbepti. Ol óziniń qylmysty jolyn jalǵastyra berdi. Seriktesin óltirip, bankti ıemdendi, mıllıardtaǵan dollar urlap, shetelge qashty. Onyń aty-shýly qylmystaryn taǵy eske salaıyn. 2005 jyly Ábilıazov BTA banktiń tóraǵasy, óziniń seriktesi Erjan Tátishevti óltirýge tapsyrys uıymdastyrdy. Tapsyrysty oryndaýshy – Toqmádı Áblıazov ózin 4 mln dollarǵa kóndirgenin aıtyp berdi. Ol qylmystyń jaı-japsaryn tolyq baıandady. Ábilıazovtiń jospary boıynsha ol qylmys ań aýlaý kezindegi oqys oqıǵa bolyp kórinýi tıis bolǵan», - dedi Bas prokýratýra ókili.
Vedmstvo ókili Ábilıazovke Ýkraına men Reseıde de izdeý jarııalanǵanyn eske saldy. Sondaı-aq, ol Ábilıazov isi boıynsha búginge deıin42 adam sottalǵanyn aıtty.
«Árıne, Qazaqstan Áblıazovtiń izine zań aıasynda túse beredi. Muny Ábilıazov túsinedi jáne qorqady. Ózin saıası sebeppen qýdalaýda degen aqparat taratyp júr. Al shynynda onyń isinde eshqandaı saıasat joq. Bıyl shilde aıynda Nıý-Iork soty onyń ótirigin áshkerelep, saıası qýǵyn týraly ýájderin joqqa shyǵardy. Buryn London soty da sondaı qorytyndyǵa kelip, odan 4 mln dollar óndirip, ótirik jaýap bergeni úshin 22 aıǵa sottaǵan bolatyn. Ulybrıtanııa ІІM ony saıası tutqyn mártebesinen aıyrdy», - dep tolyqtyrdy Saparbek Nurpeıisov.