Bas prokýratýra memleket jerin óz betimen basyp alýdyń 514 faktisin anyqtady
Shara elordany odan ári damytý boıynsha 2018 jyldyń 5 sáýiri kúni ótken jınalysta Memleket basshysy qoıǵan tapsyrmalardy oryndaýǵa arnaldy.
Jınalysqa Astana qalasynyń prokýrory, Astana qalasy ákiminiń orynbasarlary, sondaı-aq Qalalyq orta sapasyn baqylaý basqarmasynyń jáne Sáýlet, qala qurylysy jáne jer qatynastary basqarmasynyń basshylary qatysty.
Aıta ketetin jaıt, 2012-2017 jyldar aralyǵynda ákimshilikpen, qalalyq prokýratýramen birlesip 16 myń ga kólemde 1084 ıgerilmegen jerler anyqtaldy.
Birlesken jumystardyń nátıjesinde ondaı jerlerdiń sany 202-ge deıin tómendetildi.
Sondaı-aq ıgerilmegen jerlerdi tartyp alý týraly 12 aryz sotqa engizildi.
Búginde talap-aryzdardy qanaǵattyrý týraly 2 sheshim shyqty.
Budan bólek, memlekettik jerdi óz betimen basyp alýǵa qatysty 514 fakti anyqtalyp, 201 tulǵaǵa qatysty zańsyz qurylystardy buzý týraly sot sheshimderi shyǵaryldy.
Sonymen qatar Astanada keń taralǵan paıdaly qazbalardy zańsyz tabýdy júzege asyrǵan jalpy kólemi 216 ga quraıtyn 54 karer bar.
Qalalyq prokýratýra men ákimshiliktiń birlesken jumysynyń nátıjesinde 183 birlik tehnıka ustalyp, sotqa deıingi tergeýdiń biryńǵaı tizilimine keń taralǵan 85 paıdaly qazbalardy zańsyz tabý faktileri tirkeldi. Ákimshilik jaýapkershilikke 13 tulǵa tartyldy. Olardan sot tártibinde 4 mln teńgeden astam ekologııalyq zardap óndirildi.
Búgingi tańda ıgerilmeı qalǵan jerler sanyn qaıtarý, olardy aınalymǵa tartý, jerdi óz betimen basyp alý jáne keń taralǵan paıdaly qazbalardy zańsyz tabýǵa jol bermeý suraqtary kúrdeli másele bolyp qalýda.
Jınalystyń qorytyndysy boıynsha kúrdeli máselelerdi sheshýge baǵyttalǵan birqatar naqty usynystar men tapsyrmalar berildi.
Osy baǵyttaǵy jumys Bas prokýratýranyń baqylaýynda.