Bas prokýratýra lańkesterdiń áleýmettik bet-beınesin jasady
11:42, 09 Sáýir 2014
ASTANA. QazAqparat - Qaýipsizdik baǵdarlamalary ortalyǵy sońǵy alty jylda sottalǵan tulǵalarǵa áleýmettik taldaý júrgizip, Qazaqstandaǵy lańkestiń áleýmettik bet-beınesin jasady, dep habarlaıdy QR Bas prokýratýrasynyń baspasóz qyzmeti.
«Ol 28 jastaǵy orta bilimdi jumyssyz adam. Qandaıda bir arnaıy dinı saýaty joq. Úılengen, birneshe balalary bar», - delingen habarlamada.
2013 jyly Qazaqstanda ekstremızm men lańkestik faktileri boıynsha 83 tulǵaǵa qatysty 38 qylmystyq is qaralǵan. Bul 2012 jyly sottalǵandardan (127 adam) edáýir az. Sottalǵandardyń ishinde 51 adam lańkestik, 31 adam ekstremızm qylmystary úshin jazalandy. Eń kóp ister Atyraý, Almaty, Aqtóbe, Ońtústik Qazaqstan, Pavlodar oblystarynda jáne Almaty qalasynda tirkelgen.