Bas prokýratýra qylmyspen kúreste yntymaqtasa áreket etý baǵytynda 34 memleketpen 72 shart jasady
Baspasóz qyzmetiniń habarlaýynsha, ózge elderdiń zań salasy ókilderimen yntymaqtastyqty jetildirý úshin qajetti negizgi quqyqtyq baza - qylmystyq-quqyqtyq saladaǵy ekijaqty sharttar. Qazirgi ýaqytta 34 memleketpen 72 shart jasalyp otyr.
«Qazaqstannyń kópjaqty konventsııalarǵa qatysýy bizdiń áriptesterimizdiń sanyn edáýir keńeıtedi. Mysaly, Qazaqstannyń úsh amerıkaaralyq konventsııaǵa qosylýy (qylmystyq ister boıynsha ustap berý týraly, quqyqtyq kómek týraly, shetelde qylmystyq jazasyn óteý týraly) Soltústik jáne Ońtústik Amerıkanyń 27 elinen kómek suraýǵa múmkindik beredi.
Halyqaralyq sharttarǵa qol qoıý men ratıfıkatsııalaýdan prokýrorlardyń uzaq jyldar boıy qajyrly eńbegin talap etti.
Kelissózderdiń ózi birneshe ret kezdesýler men konsýltatsııalar ótkizýdi, daýly máseleler boıynsha ortaq sheshimder shyǵarýdy jáne t.b. qamtıdy.
Mysaly, jýyrda Vetnammen jasalǵan sharttardyń tolyq paketine qol qoıýdy aıaqtaýdy josparlap otyrmyz.
Bul jumys 6 jyl buryn bastalǵan. Qazir Vetnammen eki shartqa qol qoıyldy jáne ratıfıkatsııalandy (qylmystyq ister boıynsha quqyqtyq kómek berý jáne berý týraly).
Bıylǵy sáýirde qazaqstandyq prokýrorlar vetnamdyq áriptesterimen Hanoı qalasynda kezdesip, sottalǵandardy berý týraly shartqa qol qoıý týraly kelisimge keldi.
Biz Gonkongtaǵy áriptesterimizben osyndaı jumystar júrgizilýde. Sáýir aıynyń sońynda Gonkong Ádilet departamenti delegatsııasynyń eki el arasyndaǵy sharttardyń jobalaryn talqylaý úshin Astanaǵa kelýin kútemiz.
Aıta ketý kerek, sharttardyń bolmaýy shet memlekettermen yntymaqtastyqta kedergi keltirmeıdi,-delingen zhabarlamada.
Sondaı-aq onda sharttary joq eldermen quqyqtyq kómek máseleleri halyqaralyq quqyqta qoldanylatyn ózara is-qımyl qaǵıdaty negizinde qaralatyny aıtylǵan.
«Bul rette, biz ózara áreketti qylmys retinde taný talabyn basshylyqqa alamyz.
Jaqynda Qazaqstan prokýrorlary Avstrııanyń Federaldy Ádilet mınıstrliginiń basshylyǵymen jáne Malta Bas Prokýrorynyń Keńsesimen kezdesý ótkizdi.
Biz olarmen ózara qarym-qatynas qaǵıdaty boıynsha bir-birimizge quqyqtyq kómek kórsetýge ýaǵdalastyq jáne elektrondyq formatta suraý salýlar almasýdy jolǵa qoıdyq.
Dál osyndaı kelisimge Qazaqstannyń Bas prokýratýrasy qyzmetkerleriniń Amsterdam qalasyna sapary barysynda gollandııalyq áriptesterimen qol jetkizildi.
Atalǵan áriptesterdiń barlyǵymen qylmystyq-quqyqtyq salada ekijaqty sharttar jasasý jáne qylmystyq sot isin júrgizý salasyndaǵy Eýropa Keńesiniń Konventsııasyna kirý boıynsha Qazaqstanǵa járdem kórsetý máseleleri pysyqtaldy.
Qazaqstan sheteldik áriptestermen halyqaralyq yntymaqtastyq ornatý boıynsha belsendi jumysty odan ári jalǵastyra beredi»,-delingen Bas prokýratýranyń baspasóz qyzmeti taratqan aqparatta.