Bas prokýratýra Kostenko shahtasyndaǵy apatty tergeýdiń aldyn ala nátıjelerin jarııalady

<p>QR <a href="https://t.me/GenPr" target="_blank" rel="noopener">Bas prokýratýra </a>Kostenko shahtasyndaǵy apatty tergeýdiń aldyn ala nátıjelerin jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Aıta keteıik, 2023 jyldyń 28 qazanynda «Arselor Mıttal Temirtaý» AQ-nyń Kostenko atyndaǵy kómir shahtalarynda birqatar jarylys bolyp, nátıjesinde 46 adam qaza taýyp, 28 kenshi jaraqat aldy.

Bul fakti boıynsha sotqa deıingi tergep-tekserýdi Bas prokýratýranyń arnaıy prokýrorlary ІІM, QMA, TJM jáne Agroónerkásiptik keshen qyzmetkerleriniń qatysýymen júrgizýde.

Jarylys bastapqyda №48K3-batys lava kómir óndirý ýchaskesinde K2 astyndaǵy kómir qabatynan shyǵatyn metan-aýa qospasynyń ornalasýynan bolǵany anyqtaldy, onyń kózi shahta kenjary konveıeriniń jumysynda mehanıkalyq ushqynnan bolǵan.

Bul jarylys shahta óndirisindegi kómir shańynyń kezeń-kezeńmen jarylystaryna ákelgen, sebebi onyń kontsentratsııasy ruqsat etilgen normalardan aıtarlyqtaı joǵary bolǵan.

Tergeý barysynda qaıǵyly oqıǵaǵa shahtany paıdalaný kezinde óndiristik jáne órt qaýipsizdigi, sondaı-aq eńbekti qorǵaý erejelerin kóptegen buzýshylyqtarǵa jol berilýi tikeleı baılanysty ekeni anyqtaldy.

Qazirgi ýaqytta kómir óndirý kezinde qaýipsizdik sharalaryn qamtamasyz etpedi degen kúdikpen Qylmystyq kodekstiń 277-babynyń 3-bóligi (Taý-ken jumystaryn júrgizý kezinde qaýipsizdik erejelerin buzý) boıynsha qylmystyq jaýapkershilikke 7 adamnan turatyn shahtanyń basshylyǵy men ınjenerlik-tehnıkalyq quramy tartylýda.

Qylmystyq protsestik kodekstiń 128-babyna sáıkes kúdiktiler Qaraǵandy oblysyndaǵy Polıtsııa departamentiniń ýaqytsha ustaý ızolıatoryna qamaldy.

Tergeý aıasynda «Arselor Mıttal Temirtaý» AQ men Tótenshe jaǵdaılar mınıstrliginiń Qaraǵandy oblysy boıynsha Ónerkásiptik qaýipsizdik departamentiniń shahtanyń qaýipsiz jumys isteýine tıisti baqylaýdy qamtamasyz etpegen tıisti tulǵalaryna da quqyqtyq baǵa beriletin bolady.

«Tergeý jalǵasýda jáne erekshe baqylaýda»,-delingen habarlamada.

Aıta keteıik, 9 jeltoqsanda Qaraǵandy oblysyndaǵy Kostenko atyndaǵy shahtadaǵy jarylysqa ulasqan órttiń sebepterin tekserý jónindegi Úkimet komıssııasy qorytyndy otyrysyn ótkizip, qaıńyly jaǵdaıǵa 100 paıyz jumys berýshi kináli dep tapty.