Bas prokýratýra qazaqstandyqtarǵa áleýmettik jelilerdegi QDT akkaýnttaryn joıýǵa keńes berdi

ASTANA. QazAqparat - QR Bas prokýratýrasy qazaqstandyqtarǵa áleýmettik jelilerdegi «Qazaqstannyń demokratııalyq tańdaýy» uıymyna qatysty akkaýnttardy joıýǵa keńes berdi, dep habarlaıdy «QazAqparat» HAA tilshisi.

«Paraqshalardy taratý, posttar, pikirlerdi daıyndaý, shyǵarý men kóbeıtý jaýapkershiligi boıynsha - 2 AEK aıyppul salýdan 2 jylǵa deıin bas bostandyǵynan aıyrý jazasy qarastyrylǵan. QR Qylmystyq kodeksiniń 405-baby boıynsha, buǵan deıin aıtyp ótkenimdeı, qoldaýǵa baǵyttalǵan pikir (kommentarıı) ekstremıstik uıymdy qoldaý jolyndaǵy belsendi áreket bolyp sanalady. Osy qozǵalysqa tirkelgen jazylýshylarǵa akkaýnttardy joıýǵa keńes berer edim», - dedi Astanada ótken jıynda QR Bas prokýratýrasynyń qylmystyq qýdalaý qyzmetiniń bastyǵy Erlan Abaev.

Eske sala ketsek, búgin búgin Bas prokýratýranyń ókilderi OKQ-da Muhtar Ábilıazovqa qatysty málimdeme jasaǵan bolatyn. Málimdemede Bas prokýratýra ókilderi Muhtar Ábilıazovtyń basshylyǵyndaǵy «Qazaqstannyń demokratııalyq tańdaýyn» ekstremıstik uıym dep tanydy.

Sonymen qatar, Bas prokýratýra QDT-ny áleýmettik jelide qolpashtaǵan kez kelgen pikir ekstremıstik uıymdy qoldaý bolyp sanalatynyn atady.