Bas prokýratýra iri kontrabandalyq arna qurǵan eks-sheneýnikterdi ustady
Bul týraly QR Bas prokýratýrasynda ótken brıfıngte vedomstvonyń Apparat basshysynyń orynbasary Nurdildá Oraz málim etti, dep habarlaıdy QazAqparat.
«Bıylǵy jyldyń 31 qazanynda Bas prokýratýranyń jetekshiligimen tergelip jatqan is boıynsha 3 kúdikti ustaldy. Olardyń ekeýi Qarjy mınıstrligi Kedendik baqylaý komıtetiniń burynǵy bólim bastyqtary jáne bireýi jeke kompanııa qyzmetkeri. Atalǵan azamattarǵa uıymdasqan qylmystyq top quryp, kontrabandalyq jolmen jalpy quny 2 mlrd. 600 mln. teńge bolatyn taýarlardy Qytaıdan Reseıge Qazaqstan arqyly tasymaldaýdy uıymdastyrǵan degen aıyp taǵylyp otyr», - dep atap ótti N.Oraz.
Kúdiktiler ózderiniń qylmystyq áreketterin 2014 jylǵy maýsymnan bastap jeltoqsanǵa deıingi kezeń aralyǵynda iske asyryp kelgen.
«Qazirgi kúni kúdiktiler Astana qalalyq Іshki ister departamentiniń ýaqytsha ustaý ızolıatoryna qamaldy. Uıymdasqan top múshelerine qatysty dáleldemeler jınaldy. Tergeý múddesi maqsatynda iske qatysty basqa jáıttar jarııalanbaıdy. Tergeý jalǵasýda», - dep túıdi ol.