Bas prokýratýra ınternette sýıtsıdti nasıhattaý boıynsha 3 qylmystyq is qozǵady

<p>ASTANA. KAZINFORM &ndash; QR Bas prokýratýrasy óz-ózine qol jumsaýǵa ıtermelegen kontentke qatysty birneshe Telegram-arnanyń ákimshilerin tekseredi. Bul týraly QR Bas prokýrory Berik Asylov aıtty.</p>

«Sýıtsıdti nasıhattaıtyn sheteldik saıttar boıynsha quqyqtyq kómek kórsetý úshin halyqaralyq tapsyrmalar jiberiledi. Tergeý barysynda qoldanystaǵy zańnamaǵa ózgerister engizý qajettiligi týraly máseleni qarastyramyz», - deıdi Bas prokýror H jelisinde. 

B. Asylov qajetti tergeý áreketterin júrgizip, birqatar saraptama taǵaıyndaıtynyn da jazdy.

«QR ІІM-ge sýıtsıdtiń barlyq faktilerinde Qylmystyq kodekstiń 313-1-baby belgilerin tekserý tapsyryldy. Tergeý barysyn baqylaýǵa aldym. Basqa da áleýmettik jelilerde QK-niń 313-1-baby belgileriniń bar-joǵyn tekseremiz. Internette óz-ózine qol jumsaýdy nasıhattaǵany úshin prokýratýra QK-niń 313-1-babymen 3 qylmystyq is qozǵady. Tergeýdi arnaıy prokýrorlarǵa tapsyrdym. Óz-ózine qol jumsaýǵa ıtermelegen kontentke qatysty birneshe Telegram-arnanyń qatysýshylary men ákimshileri tekseriledi», - dedi QR Bas prokýrory.

Buǵan deıin Bas prokýror balalardy sýıtsıd jasaýǵa ıtermeleıtin 15 myń saıt pen silteme buǵattalǵanyn habarlaǵan edi.

Sondaı-aq, áleýmettik jelide balalardy qaýipti is-áreketterge ıtermeleıtin oıyn tarap jatqanyn jazǵan bolatynbyz.