Bas prokýratýra ǵımaratyna qyzmetkerler kelbetin anyqtaıtyn IT baǵdarlama engizedi
Qazaqstandyq jas ázirleýshi Múslim Ertýǵannyń aıtýynsha árbir adamnyń eshkimge uqsamaıtyn 128 ózine tán bet álpetti taný núkteleri bar. IT mamannyń jasap shyǵarǵan baǵdarlamasy sol júıege negizdelgen. Jańa júıeni ázirleýge 1 aıǵa jýyq ýaqyt ketipti.
«Baǵdarlama búginde daıyndalyp jatyr, bul tektes jobalar álemde burynnan bar. Qytaıda óte jaqsy damyǵan. Qytaı polıtseılerinde beınebaqylaý ornatylǵan kózildirik bar, ol arqyly kóp adamnyń ishinen qylmyskerdiń bet álpetin tanyp anyqtaýǵa bolady. Bizdiń baǵdarlama Bas prokýratýranyń qyzmetkerlerine arnalǵan, ıaǵnı jumysqa kelgende ótkizý (kirgizý) júıesi, qazir olarda ID karta qoldanylady. Bizdiń jańa júıe arqyly qyzmetkerler eshqandaı karta nemese basqa da ruqsatnamasyz kire beredi. Bul bir jaǵynan jalpy qaýipsizdik úshin, ekinshi jaǵynan ár qyzmetkerdiń ózindik jeke júıesi bolady», - dedi Method PRO baǵdarlamasy boıynsha úzdik IT jobalar ázirleýshi atanǵan Múslim Ertýǵan.
Aıta keteıik, buǵan deıin Elordada elimiz ben shetelderden qatysqan jas IT mamandardyń úzdik jobalarynyń tanystyrylymy ótkenin jazǵan bolatynbyz.