Bas prokýratýra Erqanat Taıjanovty Avstrııadan ekstradıtsııalaý máselesimen aınalysýda

ASTANA. QazAqparat - 2015 jyldyń qazan aıynda xalyqaralyq izdeýge jarııalanǵan «Azbýka jılıa» kompanııasynyń basshysy Erqanat Taıjanov áli de bolsa Avstrııada bas saýǵalaýda. Bul týraly QR Bas prokýrorynyń orynbasary Andreı Kravchenko málim etti, dep xabarlaıdy QazAqparat.

"Biz qazir avstrııalyq bılikten atalmysh tulǵa boıynsha naqty is-qımyldar kútemiz. Taıjanov qazir Avstrııada", - dedi Kravchenko shetelge zańsyz shyǵarylǵan qarajattar boıynsha ótken semınar kezinde tilshilerge bergen suxbatynda.

"Menińshe, osy másele jaqyn arada oń sheshimin tabady. Biz Bas prokýratýrada avstrııalyq resmı tulǵalarmen kezdesý ótkizdik. Avstrııa elshiliginiń ókilderine ol adamnyń Qazaqstan azamattaryna qandaı zalal keltirgenin, olardan jymqyrylǵan qarajat shetelge aýdarylǵanyn túsindirdik", - dedi ol.

Aıta keteıik, Avstrııanyń quqyq qorǵaý organdarymen birlesken jedel izdestirý sharalary barysynda senip tapsyrylǵan múlikti ıemdenýi jáne talan-tarajǵa salǵany úshin Qazaqstan ІІM Interpol Ulttyq ortalyq bıýrosy halyqaralyq izdeý jarııalaǵan Taıjanov  Erqanat Sharapatuly 13 mamyrda Avstrııada ustaldy. Taıjanov 2012-2015 jyldary aralyǵynda «Azbýka jılıa» kompanııalar tobynyń naqty ıesi bola turyp, úleskerlerdiń 40 mlrd. teńgeden asam qarjysyn qasaqana ári zańsyz ıemdengen.

«Azbýka jılıa» qurylys kompanııalary tobynyń basshylarynan «Aısanam», «Aısanam de lıýks», «Komsomolskıı», «ExpoCity», «ExpoTown», «Komfort», «Garant», «Jeti Jol», «Sadovye kvartaly» jáne «Dınastııa» turǵyn úı keshenderiniń 3,3 myń úleskeri zardap shekti.