Bas prokýratýra ekstremızmge jáne terrorızmge qarsy is-qımyl máseleleri boıynsha zań jobasyn ázirledi

ASTANA. 5 tamyz. QazAqparat - Memleket basshysynyń «Qazaqstan-2050» strategııasy: qalyptasqan memlekettiń jańa saıası baǵyty» atty halyqqa Joldaýyn iske asyrý sheńberinde Bas prokýratýra múddeli memlekettik organdarmen birlesip «Qazaqstan Respýblıkasynyń keıbir zańnamalyq aktilerine ekstremızmge jáne terrorızmge qarsy is-qımyl máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasyn ázirledi.

Bul týraly Qazaqstan Respýblıkasy Bas prokýratýrasynyń baspasóz qyzmetinen habarlady.
Zań jobasy ekstremızm men terrorızm qaýipterin beıtaraptandyrý boıynsha quqyqtyq bazany jetildirýge baǵyttalǵan.
Qazaqstan Respýblıkasy Úkimetiniń janyndaǵy Zań jobalaý qyzmeti máseleleri jónindegi vedomstvoaralyq komıssııa 2013 jylǵy 2 tamyzda bul Zań jobasynyń Tujyrymdamasyn maquldady.
Zań jobasynyń mátini Bas prokýratýranyń vedomstvolyq Internet-resýrsynda (www.prokuror.gov.kz) ornalastyryldy, onda kez kelgen múddeli tulǵalar ózderiniń usynystaryn qaldyra alady.