Bas prokýratýra burynǵy ákim Bergeı Rysqalıevti ekstradıtsııalaýǵa qatysty túsinik berdi

<p>ASTANA. KAZINFORM &ndash; Bas prokýrordyń orynbasary Áset Shyndalıev isti bolǵan Atyraý oblysynyń burynǵy ákimi Bergeı Rysqalıevke jaza qoldaný múmkindigine qatysty pikir bildirdi.</p>

Búgin Parlament Májilisinde tilshiler Bas prokýratýra ókilinen isti burynǵy oblys ákimi B. Rysqalıevtiń Londonda neliktern emin-erkin júrgenin surady.

«Oǵan qatysty syrttaı shyǵarylǵan úkim bar. Biraq, bizde Anglııamen arada ekstradıtsııa týraly kelisimder joq. Tıisti kelisimder bolmasa, bizdiń quqyq qorǵaý organdary eshteńe isteı almaıdy», - dep túsindirdi Áset Shyndalıev.

Buǵan deıin buqaralyq aqparat quraldarynda Atyraý oblysynyń eks-ákimi Bergeı Rysqalıev pen Prezıdent ákimshiliginiń eks-basshysy Aslan Mýsınniń Londondaǵy Burberry kıim dúkeniniń aldynda sýretke túskenin jazǵan bolatyn.