Bas prokýratýra bıznesmen Almas Ábdiǵapparovqa qatysty úkimniń kúshin joıýdy surady

ASTANA. QazAqparat – Bas prokýratýra belgili bıznesmen Almas Ábdiǵapparovtyń isine qatysty Joǵarǵy sotqa kassatsııalyq narazalyq týraly ótinim joldady. Bul aqparatty Bas prokýratýranyń baspasóz qyzmeti rastady, dep habarlaıdy QazAqparat tilshisi.

Kassatsııalyq shaǵymǵa qatysty bıznesmenniń zaıyby Olga Ábdiǵapparova óziniń áleýmettik jelidegi paraqshasynda jazdy. https://www.instagram.com/p/CpR4T5cqfDI/

«Sizderdiń A.Ábdiǵapparovqa qatysty sot aktilerimen kelispeý týraly ótinishterińiz qaraldy. Qylmystyq is materıaldaryndaǵy dálelder zerdelenip, 2023 jylǵy 27 aqpanda Bas prokýratýra Joǵarǵy sotqa sot aktileriniń kúshi joıyldy dep taný týraly kassatsııalyq narazylyq qujatyn engizdi», - delingen Bas prokýratýranyń jaýabynda.

Budan buryn habarlanǵandaı, byltyr shilde aıynda Parmigiano Group kompanııasynyń basshysy Almas Ábdiǵapparov 7 jylǵa sottaldy.

Atap aıtqanda, Almaty qalasy №2 Medeý aýdandyq soty elıtalyq Esentai City Turǵyn úı kesheninde jyljymaıtyn múlikti satyp alýshyǵa tıesili 418 640 000 teńgeni menshiktep alý isi boıynsha úkim shyǵarǵan bolatyn.